Varasudu: ఏం గురూ.. గౌతమ్ SSC ని తిప్పి తిప్పి చూపిస్తే గుర్తుపట్టలేమా..?

Varasudu: కోలీవుడ్ స్టార్ హీరో విజయ్.. టాలీవుడ్ డైరెక్టర్ వంశీ పైడిపల్లి కాంబోలో తెరకెక్కిన చిత్రం వరిసు. తెలుగులో వారసుడు గా రిలీజ్ అవుతోంది. దిల్ రాజు ఈ సినిమాను ఎన్నో అడ్డంకులను ఎదుర్కొని జనవరి 11 న రిలీజ్ చేస్తున్నాడు. ఇప్పటికే ఈ సినిమా మొదటి నుంచి మహర్షి రీమేక్ అని, ఆ సినిమా లా ఉందని, ఈ సినిమాలా ఉందని అభిమానులు చెప్పుకొస్తూనే ఉన్నారు. అయితే ఇది కొత్త కథని, ఒక కుటుంబ కథా చిత్రమని మేకర్స్ చెప్పుకొస్తున్నారు. ఇక ఇటీవలే వారసుడు ట్రైలర్ ను మేకర్స్ రిలీజ్ చేసిన విషయం తెల్సిందే. ట్రైలర్ చూసిన తరువాత నెటిజన్లు.. ప్రిన్స్ సినిమాలో అనుదీప్ చెప్పిన డైలాగ్ ను వాడేస్తున్నారు. ఇలాంటి సినిమాలు ఇంతకు ముందు చాలా వచ్చాయి.. కానీ, ఇదే మొదటిసారి అన్నట్లు చెప్పుకొస్తున్నారు.

Read Also: Ramya Raghupathi: నరేష్ ఒక నీచుడు.. రాఖీ కట్టిన అన్నతో నాకు ఎఫైర్ అంటగట్టాడు

వారసుడు ట్రైలర్ ను బట్టి చూస్తే.. ఒక ఉమ్మడి కుటుంబం.. ముగ్గురు కొడుకులు.. ఒక పెద్ద బిజినెస్ మ్యాన్.. అతడికి చిన్న కొడుకు అంటే పడదు. అతడు బయటికి వెళ్ళిపోతాడు. తండ్రి కంపెనీకి కష్టం రావడంతో మళ్లీ తిరిగివచ్చి ఆ కంపెనీని నిలబెడతాడు. కుటుంబాన్ని కలుపుతాడు. ఇప్పుడు ఈ కథను వింటుంటే కొన్నేళ్ల క్రితం వచ్చిన గౌతమ్ SSC అనే సినిమా కథ గుర్తుకు రావడంలేదా..? నవదీప్ హీరోగా నటించిన ఈ చిత్రంలో నాజర్ తండ్రి.. ముగ్గురు కొడుకులు .. చిన్నవాడైన నవదీప్ జులాయి.. బయటికి వెళ్ళిపోతాడు.. మధ్యలో కుటుంబ సమస్యలు.. అన్నదమ్ములు విడిపోవడానికి ట్రైచేస్తారు. వారిని కలపడానికి నవదీప్ కష్టపడతాడు. తండ్రికి తెలియకుండా గొప్పవాడు అయ్యి తండ్రి వద్దకు వస్తాడు.. సీన్స్, నటీనటులు మార్పు మాత్రమే .. కథ మొత్తం సేమ్ టూ సేమ్ ఉంది అంటూ అభిమానులు చెప్పుకొస్తున్నారు. ఈ ట్రైలర్ చూసినవారు..ఏం గురూ.. గౌతమ్ SSC ని తిప్పి తిప్పి చూపిస్తే గుర్తుపట్టలేమా..? అని కొందరు.. ఈ సినిమా కోసమేనా దిల్ రాజు అన్ని పోరాటాలు చేశాడు అని మరికొందరు చెప్పుకొస్తున్నారు. అసలు సినిమా మొత్తం చూస్తేనే కదా తెలిసేది.. ఎందుకు ముందే ఇలాంటి మాటలు అని మరికొందరు కామెంట్స్ చేస్తున్నారు.