Ponniyan Selvan: పురుషుల రాజ్యంలో ధీటైన యువరాణి త్రిష

కోలీవుడ్ స్టార్ డైరెక్టర్ మణిరత్నం డ్రీమ్ ప్రాజెక్ట్ గా తెరకెక్కుతున్న చిత్రం ‘పొన్నియన్ సెల్వన్’. కల్కి కృష్ణమూర్తి రాసిన నవల ఆధారంగా ఈ సినిమాను తెరకెక్కిస్తున్నాడు మణిరత్నం. భారీ బడ్జెట్ తో తెరకెక్కుతున్న ఈ చిత్రాన్ని లైకా ప్రొడక్షన్స్ ప్రతిష్టాత్మకంగా నిర్మిస్తోంది. విక్రమ్, కార్తీ, జయం రవి, ప్రకాష్ రాజ్, ఐశ్వర్య రాయ్, త్రిష వంటి స్టార్ క్యాస్ట్ ఈ సినిమాలో నటిస్తోంది. ఇప్పటికే ఈ చిత్రం నుంచి విక్రమ్, కార్తీ, ఐశ్వర్య ఫస్ట్ లుక్ పోస్టర్లను రిలీజ్ చేసి భారీ అంచనాలను పెంచేశారు మేకర్స్.. ఇక తాజాగా త్రిష ఫస్ట్ లుక్ ను మేకర్స్ రిలీజ్ చేశారు. ఈ చిత్రం త్రిష యువరాణి కుందవయి గా కనిపించనుంది. అందరూ పురుషులు ఉన్న రాజ్యంలో ధీర వనితగా త్రిష పాత్ర ఉండనున్నదని చిత్ర బృందం తెలిపింది.

ఇక యువరాణి కుందవయి గా త్రిష ఎంతో అద్భుతంగా కనిపించింది. అందమే అసూయ పడేలా త్రిష లుక్ ఉంది అంటే అతిశయోక్తి కాదు. ఇక ఈ చిత్రంలో కార్తీ రాజ్యానికి పట్టపురాణగా త్రిష కనిపించనుంది. ప్రస్తుతం ఈ పోస్టర్ నెట్టింట వైరల్ గా మారింది. రెండు భాగాలుగా తెరకెక్కుతున్న ఈ సినిమా మొదటి భాగం సెప్టెంబర్ 30 న తెలుగు, తమిళ్, మలయాళ, కన్నడ భాషల్లో రిలీజ్ కానుంది. మరి ఈ సినిమాతో మణిరత్నం, బాహుబలి లాంటి హిట్ ను అందుకుంటాడేమో చూడాలి.

In a world of men, a woman of courage. Presenting Princess Kundavai! #PS1 releasing in theatres on 30th September in Tamil, Hindi, Telugu, Malayalam and Kannada! 🗡️@madrastalkies_ @LycaProductions #ManiRatnam @arrahman pic.twitter.com/5aft7w1lYm

— Trish (@trishtrashers) July 7, 2022