Tollywood Heroes: వైల్డ్గా మారుతున్న హీరోలు..ఎందుకీ మార్పు?
తెలుగు సినీ పరిశ్రమలో ఇప్పుడు ఒక కొత్త ట్రెండ్ మొదలైంది అదేమంటే ఒకప్పుడు లవర్ బాయ్ ఇమేజ్తో, సాఫ్ట్ రోల్స్తో అలరించిన యంగ్ హీరోలందరూ ఇప్పుడు ఒక్కసారిగా ‘వైల్డ్’గా మారిపోతున్నారు. వెండితెరపై ఊరమాస్ గెటప్పులు, ఒళ్లు గగుర్పొడిచే యాక్షన్ సీన్లు, భారీ రక్తపాతం ఉంటేనే సక్సెస్ వస్తుందనే ‘మాస్ మంత్రాన్ని’ అందరూ నమ్ముకున్నట్లు కనిపిస్తోంది.
దసరా’ సినిమాతో తనలోని మాస్ యాంగిల్ను బయటకు తీసి బ్లాక్బస్టర్ కొట్టిన నాని, ఇప్పుడు అదే దారిలో పయనిస్తున్నారు. ది ప్యారడైజ్లో నాని మునుపెన్నడూ చూడని రీతిలో ఊరమాస్ గెటప్లో కనిపిస్తూ అభిమానులను ఆశ్చర్యపరుస్తున్నారు. హిట్ 3లో నాని సృష్టించిన రక్తపాతం సినిమాపై అంచనాలను ఆకాశానికి తీసుకెళ్లింది. సాఫ్ట్ హీరో కాస్తా ఇప్పుడు ‘వైల్డ్’ హీరోగా రూపాంతరం చెందారు. లవ్ స్టోరీల కంటే యాక్షన్ వైపు మొగ్గు చూపుతున్న విజయ్ దేవరకొండ, ఇప్పుడు అవుట్ అండ్ అవుట్ మాస్ సినిమాలను నమ్ముకున్నారు. భారీ యాక్షన్ సీక్వెన్స్లతో రూపొందిన కింగ్డమ్ విజయ్ కెరీర్లో ఒక మైలురాయిగా నిలవనుందని అనుకున్నా అది వర్కౌట్ కాలేదు. ఇక ఇప్పుడు ఆయన చేసున్న రౌడీ జనార్ధన్ & రణబలి సినిమాల పేర్లు వింటేనే విజయ్ ఎంతటి మాస్ పవర్ చూపించబోతున్నారో అర్థమవుతోంది.
Also Read :బిర్యానీని లొట్టలేసుకుంటూ తింటున్నారా.. జర ఇది చూడండి..
కేవలం నాని, విజయ్ మాత్రమే కాదు.. దాదాపు ప్రతి యంగ్ హీరో ఇప్పుడు మాస్ ఇమేజ్ కోసమే తాపత్రయపడుతున్నారు. ‘లెనిన్’ పాత్రలో అఖిల్ అక్కినేని పవర్ఫుల్ మాస్ లుక్లో దర్శనమివ్వబోతున్నారు. ఒక భారీ యాక్షన్ డ్రామాగా వస్తున్న సంబరాల యేటిగట్టు సినిమా మెగా హీరో సాయిదుర్గా తేజ్కి మాస్ ఆడియన్స్లో మరింత పట్టునివ్వనుందని టీం నమ్ముతోంది. ఇప్పటివరకు వైవిధ్యమైన కథలు చేసిన నిఖిల్, ‘స్వయంభు’తో ఫుల్-ఫ్లెడ్జ్డ్ మాస్ హీరోగా అవతారమెత్తుతున్నారు. శర్వానంద్ సైతం ‘భోగి’ చిత్రంతో తనలోని మాస్ యాంగిల్ను బయటకు తీస్తున్నారు.
ఎందుకీ మార్పు?
ప్రస్తుతం ఆడియన్స్ పల్స్ మారింది. థియేటర్ ఎక్స్పీరియన్స్ అంటే భారీ శబ్దాలు, అదిరిపోయే యాక్షన్, గూస్బంప్స్ వచ్చే ఎలివేషన్లే అని ప్రేక్షకులు కోరుకుంటున్నారు, అందుకే హీరోలు కూడా తమ సేఫ్ జోన్ వదిలి ‘వైల్డ్’గా మారేందుకు ఇష్టపడుతున్నారు. మరి ఈ ‘వైలెన్స్’ మన యంగ్ హీరోలకు ఏ రేంజ్ సక్సెస్ అందిస్తుందో చూడాలి!