Tiger Vs Pathaan: ఈ కాంబినేషన్ కోసం ఎంత పెట్టినా తక్కువే…

ఇండియన్ ఫిల్మ్ హిస్టరీలో కొత్త హిస్టరీ క్రియేట్ చెయ్యడానికి యష్ రాజ్ ఫిల్మ్స్ ప్లాన్ చేస్తోంది. యష్ రాజ్ ఫిల్మ్స్ స్పై యూనివర్స్ లో భాగంగా ఇటివలే పఠాన్ సినిమాతో వెయ్యి కోట్లు కొల్లగొట్టిన మేకర్స్, ఈసారి వరల్డ్ బాక్సాఫీస్ నే టార్గెట్ చేస్తున్నట్లు ఉన్నారు. షారుఖ్ నటించిన పఠాన్ సినిమాలో సల్మాన్ ఖాన్ తో క్యామియో ప్లే చేయిస్తేనే వెయ్యి కోట్లు వచ్చాయి… ఇక ఇద్దరినీ కలిపి ఫుల్ లెంగ్త్ సినిమా చేస్తే ఎలా ఉంటుంది అని ఆలోచించినట్లు ఉన్నారు యష్ రాజ్ ఫిల్మ్స్. షారుఖ్ అండ్ సల్మాన్ కాదు ఏకంగా షారుఖ్ Vs సల్మాన్ ఖాన్ కి ప్లాన్ చేస్తున్నారు. షారుఖ్ ‘పఠాన్’గా, సల్మాన్ ‘టైగర్’గా వార్ అంటే ఇండియన్ స్క్రీన్ తగలబడిపోవడం గ్యారెంటీ. సల్మాన్ ఖాన్ నటిస్తున్న ‘టైగర్ 3’ సినిమాలో షారుఖ్ ఖాన్ ‘పఠాన్’గా క్యామియో ప్లే చేస్తున్నాడు. 15 నిమిషాల పాటు ఉండబోయే ఈ ఎపిసోడ్ లోనే నెక్స్ట్ షారుఖ్ vs సల్మాన్ సినిమాకి ప్లాట్ ని ఎస్టాబ్లిష్ చేసేలా ఉంటుందట.

దీపావళి కానుకగా వస్తున్న ఈ మోస్ట్ అవైటెడ్ స్పై యాక్షన్ సినిమాలో ఒక్క యాక్షన్ ఎపిసోడ్ కోసమే ఏకంగా 30 కోట్ల రూపాయలకు పైగా ఖర్చు చేస్తున్నారు యష్ రాజ్ ఫిలిమ్స్. షారుఖ్ ఖాన్- సల్మాన్ ఖాన్ మధ్య బ్రిడ్జ్ పైన ఒక భారీ బైక్ ఛేజ్ ఎపిసోడ్ అండ్ ఫైట్ సీన్ ని షూట్ చేస్తున్నారు. సెట్స్ నుండి ఎలాంటి లీక్ లు లేకుండా చాలా టైట్ సెక్యూరిటీ మధ్య షారుఖ్-సల్మాన్ ఫైట్ సీన్ ని తెరకెక్కిస్తున్నారు. ఇప్పటికే వారం రోజుల షూట్ కంప్లీట్ అయ్యింది మరో అయిదు రోజుల షూటింగ్ పెండింగ్ ఉంది. సినిమాకే హైలైట్ గా ఉండనుంది కాబట్టే మేకర్స్ ఒక్క సీక్వెన్స్ కోసమే 30 కోట్ల ఖర్చుకి కూడా వెనకాడట్లేదు. అంత స్పెండ్ చేసినా రిటర్న్ తీసుకోని రావడానికి షారుఖ్, సల్మాన్ లు ఎలాగూ ఉన్నారు కాబట్టి మేకర్స్ రిస్క్ చెయ్యడంలో తప్పులేదు.