TFJA : ఇక సోషల్‌ మీడియాలో పిచ్చిరాతలు రాసేవారి ఆటకట్టు!

TFJA – TFDA Met Telangana DGP: తెలుగు సిని పరిశ్రమ గురించి సోషల్‌ మీడియా వేదికగా ఈ మధ్య రకరకాల వ్యక్తులు తమ స్వార్థం కోసం అనేక విధాలుగా విషం చిమ్ముతున్నారు. వీరంతా వ్యక్తిగతమైన దూషణలు చేస్తూ తెలుగు సినిమా మీడియాలో కీలకంగా ఉన్నవారిని సైతం టార్గెట్‌ చేస్తూ మానసికంగా కృంగదీసే ప్రయత్నం చేస్తున్నారు. సినిమా నిర్మాణంలో కీలకంగా ఉన్న కొంత మంది నిర్మాతలు, దర్శకులు, హీరోలు కూడా వీరికి బాధితులే. అందుకే తెలుగు ఫిలిమ్‌ జర్నలిస్ట్‌ అసోసియేషన్‌ (టి.ఎఫ్‌.జె.ఎ) ప్రెసిడెంట్‌ వి.లక్ష్మీనారాయణ, జనరల్‌ సెక్రటరీ వై.జె రాంబాబు తమ అనుబంధ సంస్థ అయిన తెలుగు ఫిల్మ్‌ డిజిటల్‌ మీడియా అసోసియేషన్‌లోని (టి.ఎఫ్‌.డి.ఎ) ప్రెసిడెంట్‌ ప్రేమ, ట్రెజరర్‌ శివ మల్లాలతో కలిసి తెలంగాణ డిజిపి రవిగుప్తా, హైదరాబాద్‌ సిపి. కొత్తకోట. శ్రీనివాసరెడ్డిని కలిశారు.

Ram Charan: మా అమ్మ‌ న‌మ్మ‌లేదు.. నాకు ద‌క్కిన ఈ గౌర‌వం వారందరిదీ!

ఈ క్రమంలో ప్రస్తుతం ఉన్న పరిస్థితిని వివరించారు. పరిస్థితి విన్న అధికారులు నిజంగానే కొన్ని వార్తలు తమ దృష్టికి వచ్చాయని, మీరు కూడా కరెక్ట్‌ ఇన్‌ఫర్‌మేషన్‌తో ఎప్పుడైనా వచ్చి మమ్మల్ని కలిస్తే సోషల్‌ మీడియా, వెబ్‌సైట్లలో, యూట్యూబ్‌ల్లో విచ్చలవిడి రాతలు రాసే వారిని తీసుకువచ్చి తగుచర్చలు తీసుకుంటామని అన్నారు. ఈ సందర్భంగా (టి.ఎఫ్‌.జె.ఎ), (టి.ఎఫ్‌.డి.ఎ) అసోసియేషన్‌ తీసుకున్న నిర్ణయాలను వివరించారు. ఇక అధికారులు మరో రెండు రోజుల్లో రూమర్లు పుట్టించి తమ పబ్బం గడుపుకునే వారిని పట్టుకుని విచారిస్తామని హామీ ఇచ్చారు. ఇక రెండురోజుల్లో పోలీస్‌ ప్రతినిధులతో కీలకమై సమావేశాన్ని కూడా యూనియన్‌ ప్రతినిధులు నిర్వహించనున్నారని వెల్లడించారు.