June 2026 Movie Releases: ‘పెద్ది’ తర్వాత థియేటర్లలోకి వచ్చే సినిమాలు ఇవే..

June 2026 Movie Releases: మెగా పవర్ స్టార్ రామ్ చరణ్ మోస్ట్ ఎవైటెడ్ మూవీ ‘పెద్ది’ థియేటర్లలోకి వచ్చి సందడి సృష్టిస్తున్న సంగతి తెలిసిందే. ఈ నెల (జూన్) లో పెద్ది తర్వాత థియేటర్లలోకి రాబోయే సినిమాలతో బాక్సాఫీస్ వద్ద పోటీ మరింత రసవత్తరంగా మారబోతోందని సమాచారం. ‘పెద్ది’ ఇచ్చిన జోష్‌ను కంటిన్యూ చేస్తూ, ఈ నెలలో థియేటర్లలో సందడి చేయడానికి డిఫరెంట్ జోనర్స్ కలిగిన క్రేజీ చిత్రాలు క్యూ కట్టాయి. మరి ఈ జూన్ నెలలో ప్రేక్షకుల ముందుకు రాబోతున్న ఆ సినిమాలు ఏంటో, వాటిపై ఎలాంటి అంచనాలు ఉన్నాయో ఈ స్టోరీలో తెలుసుకుందాం.

జూన్ 12 – ‘సింగీతం’

టాలీవుడ్ లెజెండరీ డైరెక్టర్ సింగీతం శ్రీనివాసరావు కథ, దర్శకత్వంలో.. వైజయంతీ మూవీస్ సమర్పణలో స్వప్న సినిమాస్ నిర్మించిన వినూత్న చిత్రం ‘సింగీతం’. నాగ్ అశ్విన్ ప్రొడక్షన్‌ వాల్యూస్, దేవిశ్రీ ప్రసాద్ సంగీతం తోడవ్వడంతో ఈ సినిమాపై టాలీవుడ్‌లో ఇప్పటికే మంచి హైప్ క్రియేట్ అయింది. విభిన్నమైన కాన్సెప్ట్‌తో వస్తున్న ఈ సినిమా కోసం క్లాస్ ఆడియన్స్ ఆసక్తిగా ఎదురుచూస్తున్నారు.

జూన్ 19 – ‘సమంత’ ‘మా ఇంటి బంగారం’

స్టార్ హీరోయిన్ సమంత లీడ్ రోల్‌లో నటించిన ‘మా ఇంటి బంగారం’ జూన్ 19న రిలీజ్ కానుంది. ‘ఓ బేబీ’ లాంటి హిట్‌ తర్వాత నందినీ రెడ్డి దర్శకత్వంలో సమంత నటిస్తున్న సినిమా కావడంతో దీనిపై భారీ అంచనాలు ఉన్నాయి. ముఖ్యంగా ఈ సినిమాలో సమంత చీరకట్టులో చేసిన రియలిస్టిక్ యాక్షన్ సీక్వెన్సులు, ట్రైలర్ ప్రేక్షకులను విపరీతంగా ఆకట్టుకున్నాయి. సమంత యాక్షన్ పవర్‌ను స్క్రీన్‌పై చూడటానికి ఫ్యాన్స్ ఈగర్‌గా వెయిట్ చేస్తున్నారు.

జూన్ 19 – ‘వంద దేవుళ్లు’

అదే రోజు (జూన్ 19) వైవిధ్యభరితమైన చిత్రాలతో ప్రత్యేక గుర్తింపు తెచ్చుకున్న విజయ్ ఆంటోనీ ‘వంద దేవుళ్లు’ సినిమాతో ప్రేక్షకుల ముందుకు వస్తున్నారు. వరుస ఫ్లాప్‌ల తర్వాత విజయ్ ఆంటోనీ చేస్తున్న ఈ ప్రయత్నంపై పెద్దగా ప్రమోషన్స్ లేకపోయినా, ఆయన మార్క్ కంటెంట్‌ను నమ్ముకుని థియేటర్లకు వచ్చే ఆడియన్స్ ఉన్నారు. వీటితో పాటు సాంగ్స్, టీజర్‌తో యూత్‌లో మంచి బజ్ సంపాదించుకున్న ‘దీవానా’ సినిమా కూడా అదే రోజు పోటీకి సై అంటోంది.

జూన్ 26 – అఖిల్ ‘లెనిన్’

అక్కినేని యువ హీరో అఖిల్ అక్కినేని నటిస్తున్న మోస్ట్ ఎవైటెడ్ యాక్షన్ అండ్ ఎమోషనల్ లవ్ స్టోరీ ‘లెనిన్’. ఈ చిత్రం జూన్ 26న గ్రాండ్‌ రిలీజ్‌కు రెడీ అవుతుంది. మురళీ కిషోర్ అబ్బూరు దర్శకత్వంలో, సితార ఎంటర్‌టైన్‌మెంట్స్ నిర్మించిన ఈ సినిమాలో భాగ్యశ్రీ బోర్సే హీరోయిన్‌గా నటిస్తోంది. అఖిల్ చిత్తూరు యాసలో పలికిన డైలాగ్స్, తమన్ మ్యూజిక్ ఈ సినిమాపై అంచనాలను నెక్స్ట్ లెవెల్‌కు తీసుకెళ్లాయి. చాలా గ్యాప్ తర్వాత వస్తున్న ఈ సినిమాతో అఖిల్ బాక్సాఫీస్ వద్ద స్ట్రాంగ్ హిట్ కొట్టడం ఖాయంగా కనిపిస్తోందని అంటున్నారు.