Zee Serials: సిరిసిల్లలో ‘సీతారాముల నిండు నూరేళ్ళ సావాసం’

జీ తెలుగు సీరియల్స్​ సీతే రాముడి కట్నం, నిండు నూరేళ్ల సావాసం నటీనటులతోపాటు ఇతర తారలు తమ అభిమానులను నేరుగా కలిసేందుకు ‘సీతారాముల నిండు నూరేళ్ల సావాసం’ పేరున ఆత్మీయ సమ్మేళనం కార్యక్రమాన్ని నిర్వహించింది. అభిమానుల కోలాహలంతో ఘనంగా జరిగిన ప్రత్యేక కార్యక్రమం ‘సీతారాముల నిండు నూరేళ్ల సావాసం’ నవంబర్​ 3న మధ్యాహ్నం 12 గంటలకు జీ తెలుగులో ప్రసారం కానుంది. జీ తెలుగు ఇటీవల సిరిసిల్లలో ప్రముఖ నటీనటులతో కార్యక్రమాన్ని నిర్వహించి వీక్షకులకు ఆహ్లాదకరమైన అనుభవాన్ని అందించింది. ప్రముఖ యాంకర్​ లాస్య వ్యాఖ్యాతగా వ్యవహరించిన ఈ కార్యక్రమం ఆద్యంతం ప్రేక్షకులకు వినోదం పంచింది. జీ తెలుగు ప్రేక్షకులను మెప్పిస్తూ విజయవంతంగా కొనసాగుతున్న ‘సీతే రాముడి కట్నం’, ‘నిండు నూరేళ్ల సావాసం’ నటీనటులు ఈ వేదికపై నుంచి తన అభిమానులతో సంభాషించడమే కాకుండా పలు బహుమతులను కూడా పంచి వారి సంతోషంలో పాలుపంచుకున్నారు.

సీతేరాముడికట్నం జోడీ సీత (వైష్ణవి)-రామ్ (సమీర్),మహాలక్ష్మి(మంజుల పరిటాల)నిండు నూరేళ్ళ సావాసం అమరేంద్ర (రిచర్డ్ జోస్)-అరుంధతి (పల్లవి గౌడ), అమరేంద్ర (రిచర్డ్ జోస్)-భాగమతి (నిసర్గ)తెరమీద కాదు తెర వెనుక కూడా తమ మధ్య అనుబంధం ఎలా ఉంటుందో ప్రేక్షకులకు చూపించి వినోదం పంచారు. ఉత్సాహవంతంగా సాగిన ఈ కార్యక్రమంలో సరిగమప గాయనీ గాయకులతో పాటు జానపద గాయకుల పాటలు, డ్రామా జూనియర్స్​ పిల్లల స్కిట్స్​ ప్రేక్షకులను ఆకట్టుకున్నాయి. రెండు సీరియల్స్​పై వచ్చిన సరదా మీమ్స్​ ప్రదర్శిస్తూ సాగిన కామెంటరీ అందరినీ కడుపుబ్బా నవ్వించింది. ‘అసలైన అమరేంద్ర ఎవరు?’ అంటూ సాగిన డ్రామా జూనియర్స్​ స్కిట్ ఆసక్తికరంగా సాగింది. జీ తెలుగు నటీనటులు తమ అభిమానులతో సెల్ఫీ దిగడం, బహుమతులతో సర్ ప్రైజ్ చేయడంతోపాటు వారిని పలకరించి ముచ్చటించారు. నటీనటులు చెరగని అనుభూతులు పంచారు.