Tamannaah Bhatia :పూర్తి కావచ్చిన తమన్నా ‘బబ్లీ బౌన్సర్’
తమన్నా బౌన్సర్ గా నటిస్తున్న ‘బబ్లీ బౌన్సర్’ షూటింగ్ పూర్తి కావచ్చింది. పలు జాతీయ అవార్డులను సొంతం చేసుకున్న మధుర్ భండార్కర్ దీనికి దర్శకుడు. ఫాక్స్ స్టార్ స్టూడియోస్, జంగిల్ పిక్చర్స్ కలసి నిర్మిస్తున్న ఈ చిత్రం ఉత్తర భారతంలోని బౌన్సర్ సిటీ అసోలా ఫతేపూర్కి చెందిన ఓ మహిళా బౌన్సర్ కథ. తమన్నా టైటిల్ రోల్ పోషిస్తున్న ఈ సినిమా షూటింగ్ ఫిబ్రవరి 18న ప్రారంభమైంది. దీనికి సంబంధించి ఇంకా 5 రోజుల షూటింగ్ మాత్రమే మిగిలి ఉందని నటి తమన్నా తన ఇన్స్టాలో ప్రకటించింది. ఈ చిత్రం బౌన్సర్లకు ముందు ఆ తర్వాత తెలియని ప్రపంచాన్ని పరిచయం చేస్తుందంటున్నారు. ఇందులో సౌరభ్ శుక్లాతో పాటు అభిషేక్ బజాజ్, సాహిల్ వైద్ ప్రధాన పాత్రల్లో నటిస్తున్నారు. ఈ సినిమాకు కాన్సెప్ట్, కథ, స్క్రీన్ ప్లేను అమిత్ జోషి, ఆరాధనా దేబ్నాథ్, మధుర్ బండార్కర్ అందిస్తున్నారు. దీనిని హిందీ, తెలుగు, తమిళ భాషల్లో ఈ ఏడాది చివర్లో విడుదల చేయనున్నారు.