ఆమె ఒక స్టార్ హీరోయిన్. తెలుగులో దాదాపుగా అందరూ స్టార్ హీరోలతో నటించింది. అయితే ఇప్పుడు ఆమె తెలుగు సినిమాల మీద పెద్దగా ఫోకస్ చేయడం లేదు. బాలీవుడ్తో పాటు ఇతర భాషల సినిమాల్లో హీరోయిన్గా నటిస్తోంది. అయితే ఆమెకు ఒక అవార్డు ఇవ్వాలని ప్రతి ఏడాది అవార్డుల ఫంక్షన్ నిర్వహించే ఓ అవార్డుల ఈవెంట్ నిర్వాహకులు భావించారు. ఈ మేరకు ఆమె టీమ్తో సంప్రదింపులు జరపగా, ఆమె తండ్రి అందుబాటులోకి వచ్చారు.
“హైదరాబాదులో అవార్డుల ఈవెంట్ కార్యక్రమం జరుపుతున్నాం. మీ అమ్మాయికి ఒక అవార్డు ఇవ్వాలనుకుంటున్నాం. ఫలానా తేదీన హైదరాబాద్ వచ్చి అవార్డు అందుకోవాల్సిందిగా కోరుతున్నాం,” అని కోరగా.. అందుకు ఆయన ఆసక్తికరంగా, అనేకన్నా కొంత షాకింగ్గా రెస్పాండ్ అయ్యాడట. అదేమంటే, “ఇప్పటికే అవార్డులతో ఇల్లంతా నిండిపోయింది. ఆ అవార్డు బదులు ఏమైనా డబ్బులు ఇప్పించే ప్రయత్నం చేయండి,” అని సమాధానం ఇచ్చాడట. దీంతో షాక్ అవ్వడం ఈవెంట్ నిర్వాహకుల వంతు అయింది.
ఈ దెబ్బతో మళ్లీ ఆ స్టార్ హీరోయిన్కి అవార్డు పేరుతో ఫోన్ చేసే ప్రయత్నం చేయలేదని తెలుస్తోంది. అయితే ఇది ఇప్పటి విషయం కాదు, దాదాపు ఏడాది క్రితం విషయం అని తెలుస్తోంది.