Waltair Veerayya: వాల్తేరు వీరయ్య విజయోత్సవ వేడుకలో అపశృతి.. అభిమానులకు గాయాలు
Waltair Veerayya: మెగాస్టార్ చిరంజీవి, శృతి హాసన్ జంటగా బాబీ కొల్లి దర్శకత్వంలో తెరకెక్కిన చిత్రం వాల్తేరు వీరయ్య. మైత్రీ మూవీ మేకర్స్ నిర్మించిన ఈ సినిమా సంక్రాంతి కానుకగా రిలీజ్ అయ్యి భారీ విజయాన్ని అందుకుంది. మాస్ మహారాజా రవితేజ, చిరంజీవి అన్నదమ్ములుగా కనిపించడం, వింటేజ్ చిరంజీవి మాస్ గెటప్, సాంగ్స్ ప్రేక్షకులను థియేటర్స్ వైపు నడిపించాయి. దీంతో ఈ సినిమా విజయోత్సవ వేడుకను గ్రాండ్ గా ప్లాన్ చేశారు మేకర్స్. నేడు హన్మకొండ ఆర్ట్స్ కాలేజీ గ్రౌండ్స్లో వీరయ్య విజయ విహారం అనే పేరుతో ఈ ఈవెంట్ కొద్దిసేపటి క్రితమే ఘనంగా ప్రారంభమయ్యింది. అయితే వాల్తేరు వీరయ్య విజయోత్సవ వేడుకలో అపశృతి చోటుచేసుకొంది. వాల్తేరు వీరయ్య విజయోత్సవ వేడుకలో తొక్కిసలాట జరిగింది.
Read Also: Etela Rajender : మాటలకే పరిమితమైన ఎస్ఎల్బీసీ
హన్మకొండ ఆర్ట్స్ కాలేజీ గ్రౌండ్స్లోకి వెళ్లేందుకు అభిమానులు గేటు ముందు నిలబడ్డారు. ఇక సమయం కావడంతో ఒక్కసారిగా గేట్లు ఓపెన్ చేయడంతో అభిమానులు తోసుకుంటూ ముందుకు వెళ్లారు. దీంతో అక్కడ తొక్కిసలాట జరిగింది. ఈ తొక్కిసలాట లో పలువురు అభిమానులకు గాయాలు కూడా అయ్యాయి. అయినా మెగాస్టార్ ను చూడాలనే అభిమానంతో వారు ఆ గాయాలను కూడా లెక్కచేయకుండా ముందుకు సాగరు.. ఈ నేపథ్యంలోనే పోలీసులకు, అభిమానులకు మధ్య కొద్దిగా వాగ్వాదం చోటుచేసుకొంది. ఇక గాయాలైన వారిలో చిన్నారులు కూడా ఉన్నారని తెలుస్తోంది. ఇకపోతే ఈ ఈవెంట్ కు మెగా పవర్ స్టార్ రామ్ చరణ్ గెస్ట్ గా రాబోతున్నాడు. దీంతో మెగా అభిమానులందరూ.. ఒకే వేదికపై తండ్రి కొడుకులను చూడడానికి తరలివస్తున్నారు.
Read Also: Fraud Gang : ఫేక్ బ్యాంక్ గ్యారంటీలతో మోసాలు చేస్తున్న ముఠా గుట్టు రట్టు