Skanda: కల్ట్ మామా.. అంటే ఇదా.. ఇంకేదో అనుకున్నామే?
Skanda Cult Mama song to release on September 18th: బోయపాటి శ్రీను, ఉస్తాద్ రామ్ పోతినేని క్రేజీ పాన్ ఇండియా ప్రాజెక్ట్ ‘స్కంద-‘ది ఎటాకర్ ఇప్పటికే రిలీజ్ కావాల్సి ఉన్నా అనుకోకుండా వాయిదా పడింది. ఇప్పటికే ఈ సినిమా నుంచి రిలీజ్ చేసిన ట్రైలర్కు దేశవ్యాప్తంగా ట్రెమండస్ రెస్పాన్స్ రావడంతో సినిమా పై అంచనాలు కూడా పెద్ద ఎత్తున ఉన్నాయి. ట్రైలర్లో రామ్ని రెండు డిఫరెంట్ లుక్లలో చూపించగా, సెకండ్ లుక్ అయితే ఇప్పటివరకు లేని విధంగా ఉండటంతో అందరినీ ఆశ్చర్యపరిచింది. ట్రైలర్ రామ్ యాక్షన్-ప్యాక్డ్ అవతార్ లో ప్రజంట్ చేయగా ఇప్పుడు కొత్త పాట రిలీజ్ అయ్యేందుకు టైం సెట్ చేశారు. నిజానికి కల్ట్ మామా అనే సాంగ్ అనగానే ఏదో అనుకుంటే స్పెషల్ నంబర్ సాంగ్ అని తాజాగా రిలీజ్ చేసిన పోస్టర్ ద్వారా క్లారిటీ వచ్చింది.
Anil Sunkara: అనిల్ సుంకరపై క్రిమినల్ కేసు?
సెప్టెంబర్ 18న విడుదల కానున్న నాలుగో పాట కల్ట్ మామాలో రామ్ అద్భుతమైన డ్యాన్స్ లు ఆలరించబోతున్నాయని మేకర్స్ చెబుతున్నారు. ఈ పాటలో రామ్ తో ఊర్వశి రౌతేలా సందడి చేయనుంది. ఈ పాట అనౌన్స్ మెంట్ పోస్టర్లో రామ్ మునుపెన్నడూ లేని విధంగా రగ్గడ్, మ్యాసీ అవతార్లో కనిపించగా ఊర్వశి రౌతేలా మెరిసే దుస్తులలో సూపర్-హాట్గా కనిపిస్తుంది. బ్యాక్గ్రౌండ్ డ్యాన్సర్లు అసాధారణమైన మేకప్తో భయపెడుతున్నట్టుగా కనిపిస్తున్నారు. ఎస్ థమన్ ఈ సినిమాకి బ్లాక్ బస్టర్ ఆల్బమ్ అందించగా ఇప్పటికే విడుదలైన మొదటి మూడు పాటలకు అద్భుతమైన స్పందన వచ్చింది. శ్రీనివాసా సిల్వర్ స్క్రీన్ బ్యానర్పై శ్రీనివాస చిట్టూరి నిర్మించిన ఈ సినిమాలో శ్రీలీల హీరోయిన్ గా నటిస్తుండగా సాయి మంజ్రేకర్ ఒక కీలక పాత్రలో కనిపించనున్నారు. సంతోష్ డిటాకే సినిమాటోగ్రాఫర్ గా పని చేస్తున్న ఈ సినిమాను జీ స్టూడియోస్ సౌత్, పవన్ కుమార్ సమర్పిస్తున్నారు. ఇక స్కంద సినిమా సెప్టెంబర్ 28న తెలుగు, తమిళం, కన్నడ, మలయాళం , హిందీ భాషల్లో పాన్ ఇండియా విడుదల కానుంది.