Siddu Jonnalagadda Neeraja Kona Movie Crew: గుంటూరు టాకీస్, కృష్ణ అండ్ హిజ్ లీలా సినిమాలతో యాక్టర్గా మంచి గుర్తింపు తెచ్చుకున్న సిద్దు జొన్నల గడ్డ డీజే టిల్లు సినిమాతో యూత్ లో సూపర్ క్రేజ్ సంపాదించుకున్నాడు. ఇక ఈ క్రేజీ హీరో ప్రస్తుతం డీజే టిల్లు సీక్వెల్ టిల్లు స్క్వేర్ తో బిజీగా ఉన్నాడు. ఒక పక్క హీరోగా నటిస్తూనే టిల్లు స్క్వేర్ కి రైటర్గా కూడా వ్యవహరిస్తున్నాడు. అయితే ఆయన నందిని రెడ్డి డైరెక్షన్లో ఒక సినిమా చేసే అవకాశం ఉందని ప్రచారం జరగ్గా ఆ విషయం మీద ఎలాంటి అప్డేట్ లేదు. అయితే తాజాగా పాపులర్ స్క్రీన్ రైటర్ కోన వెంకట్ సోదరి నీరజ కోన డైరెక్షన్లో సిద్దు సినిమా చేయబోతున్నాడన్న వార్త బయటకు వచ్చింది. నీరజ కోన వినిపించిన స్టోరీ లైన్ సిద్దును ఇంప్రెస్ చేయడంతో నీరజ కోన ఈ సినిమాతో డైరెక్టర్ ర్గా తన అదృష్టాన్ని పరీక్షించుకోవాలనుకుంటుందట.
Samajavaragamana: రెండు రోజుల ముందే సామజవరాగమన ప్రీమియర్స్.. బూస్ట్ ఇచ్చే టాక్!
థ్రిల్లింగ్ ఎలిమెంట్స్తో రొమాంటిక్ జోనర్లో సాగేలా సినిమా ఉండబోతుందని టాక్ అప్పట్లోనే వినిపించగా ఇప్పుడు ఈ సినిమాకోసం హేమాహేమీలు రంగంలోకి దిగుతున్నారు అని తెలుస్తోంది. ఈ సినిమాకు పీసీ శ్రీరామ్ సినిమాటోగ్రఫర్ గా పని చేయనుండగా థమన్ సంగీతం అందించనున్నాడని అంటున్నారు. వివిధ విభాగాలకు కోసం నైపుణ్యం కలిగిన సాంకేతిక నిపుణులను చేర్చుకోవాలని టీమ్ ప్లాన్ చేస్తోంది. టాలెంటెడ్ ఆర్ట్ డైరెక్టర్ శర్మిష్ట రాయ్, ప్రఖ్యాత ఎడిటర్ శ్రీకర్ ప్రసాద్, పాపులర్ కాస్ట్యూమ్ డిజైనర్ అర్చనరావు, సీనియర్ కొరియోగ్రాఫర్ బృందా మాస్టర్ సహా ఆరుగురు జాతీయ అవార్డు గ్రహీత సాంకేతిక నిపుణులు ఈ సినిమాకు పని చేయనున్నారని టాక్ వినిపిస్తోంది. ఇక అన్నీ అనుకున్నట్టు కుదిరితే త్వరలోనే ఈ క్రేజీ కాంబినేషన్ పీపుల్స్ మీడియా ఫ్యాక్టరీ నిర్మాణంలో సెట్స్పైకి వెళ్లనున్నట్టు తెలుస్తోంది.