Siddharth: బొమ్మరిల్లు సినిమాతో పక్కింటి అబ్బాయి లా మారిపోయాడు సిద్దార్థ్. ఈ సినిమా తరువాత మంచి మంచి సినిమాల్లో నటించి తనకంటూ ఒక గుర్తింపును తెచ్చుకున్నాడు. ఇక మధ్యలో కొన్నేళ్లు సిద్దూ గ్యాప్ ఇచ్చినా.. ఇప్పుడు మాత్రం వరుస సినిమాలతో ప్రేక్షకుల ముందుకు వస్తున్నాడు. ఈ ఏడాది టక్కర్ సినిమాతో వచ్చిన సిద్దుకు నిరాశనే మిగిలింది. ఇక ఈసారి మరో కొత్త కథతో సిద్దార్థ్ ప్రేక్షకుల ముందుకు రానున్నాడు. సిద్దార్థ్ హీరోగా అరుణ్ కుమార్ దర్శకత్వంలో తెరకెక్కిన సినిమా చిన్నా. ఈ చిత్రంలో సిద్దార్థ్ సరసన మలయాళ నటి నిమిషా సజాయన్ నటిస్తోంది. ఇప్పటికే ఈ చిత్రం నుంచి రిలీజైన ట్రైలర్, సాంగ్స్ ప్రేక్షకులను విశేషంగా ఆకట్టుకున్నాయి. కూతురు కోసం ఒక తండ్రి చేసిన పోరాటం చిన్నా కథగా తెలుస్తోంది. ఇక ఈ సినిమా సెప్టెంబర్ 28 న రిలీజ్ అవ్వాల్సి ఉండగా .. కొన్ని కారణాల వలన అక్టోబర్ 6 న రిలీజ్ కు రెడీ అయ్యింది. ఈ నేపథ్యంలోనే ప్రమోషన్స్ మొదలుపెట్టిన సిద్దార్థ్ వరుస ఇంటర్వ్యూలు, ప్రెస్ మీట్లు ఇస్తూ సినిమాపై హైప్ పెంచుతున్నాడు.
Siddharth: తెలుగులో వీడి సినిమా ఎవరు చూస్తారని అడిగారు… స్టేజ్ మీదే ఏడ్చేసిన సిద్దార్థ్!
ఇక తాజాగా ఈ సినిమా ప్రీ రిలీజ్ ఈవెంట్ లో ప్రభాస్ గురించి సిద్దార్థ్ మాట్లాడుతూ.. ” ఈ సినిమాను తెలుగులో సెప్టెంబర్ 28 న రిలీజ్ చేయడానికి నేను 45 రోజుల క్రితమే అనుకున్నాను. అదే రోజు సలార్ అనే సినిమా ఉన్నా కూడా నేను దాంతో పాటు వస్తాను అని 49 రోజుల క్రితమే డేట్ పెట్టాను. ప్రభాస్ కు నేను పెద్ద ఫ్యాన్ ను.. సలార్ సినిమా చూసాకే నా సినిమా చూస్తా.. అలా రెండు సినిమాలు ఒకేరోజు వచ్చినా ప్రాబ్లమ్ ఏంటి అనుకోని నేను ఆ డేట్ పెట్టాను. సలార్ మీకు పెద్ద సినిమా.. బడ్జెట్ వైస్.. కానీ, చిన్నా నా లైఫ్.. నాకు పెద్ద సినిమానే కదా. నా పెద్ద సినిమాను ప్రభాస్ తో పాటు పెడతాం అనుకున్నాను. ఆ తరువాత అదే డేట్ కు మరో పది సినిమాలు వచ్చేసాయి. ఆ పదిమంది వచ్చాక.. పర్లేదులే సిద్దార్థ్ అంటే.. కొత్తవాడేం కాదు. అతనికి మార్కెట్,టాలెంట్.. దానిపై నమ్మకం, పెద్దవాళ్లతో రిలేషన్ షిప్ మొదటినుంచి ఉన్నాయి” అని చెప్పుకొచ్చాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి.
