ఫ్యాన్సీ ధరకు “శ్యామ్ సింగ రాయ్” శాటిలైట్ రైట్స్

“శ్యామ్ సింగరాయ్” నేచురల్ స్టార్ నాని కెరీర్‌లోనే అత్యంత ఖరీదైన ప్రాజెక్ట్. ఈ చిత్రం పీరియాడిక్ యాక్షన్ డ్రామాగా తెరకెక్కుతున్న విషయం తెలిసిందే. ఈ చిత్రం డిసెంబర్ 24న థియేటర్లలో విడుదల చేయడానికి సన్నాహాలు చేస్తున్నారు. ఇప్పటికే చిత్రబృందం”శ్యామ్ సింగరాయ్” నుంచి టీజర్ తో పాటు రెండు పాటలు విడుదల చేయగా, వాటికి ప్రేక్షకుల నుంచి మంచి స్పందన వచ్చింది. ఇక సినిమా విడుదలకు మరొకొన్ని రోజులు మాత్రమే మిగిలి ఉండడంతో ప్రమోషన్స్ లో దూకుడు పెంచాలని చూస్తోంది టీం. ఇప్పటికే ‘శ్యామ్ సింగరాయ్’ సినిమా ప్రీ రిలీజ్ ఈవెంట్ ను ఈ నెల 14న వరంగల్ లోని రంగలీల మైదానంలో సాయంత్రం 5 గంటలకు గ్రాండ్ గా జరుపబోతున్నారు.

Read Also : వరంగల్‌లో ‘శ్యామ్ సింగ రాయ్’ రాయల్ ఈవెంట్

ఈ నేపథ్యంలో సినిమాకు సంబంధించిన రైట్స్ విషయంలో భారీ డీల్స్ అందుకుంటున్నారు మేకర్స్. తాజాగా “శ్యామ్ సింగ రాయ్” శాటిలైట్ రైట్స్ భారీ ధరకు అమ్ముడు పోయినట్లు సమాచారం. “శ్యామ్ సింగ్ రాయ్” శాటిలైట్ హక్కుల కోసం జెమినీ టీవీ రూ. 10 కోట్లు చెల్లించిందట. ఇది నాని సినీ కెరీర్లోనే అతిపెద్ద శాటిలైట్ రైట్స్ ఒప్పందం అని చెప్పొచ్చు. ‘శ్యామ్ సింగరాయ్’లో నాని డ్యూయల్ షేడ్ రోల్‌లో కనిపించబోతున్నాడు. సాయి పల్లవి, కృతి శెట్టి, మడోన్నా సెబాస్టియన్ హీరోయిన్లుగా నటిస్తున్న ఈ చిత్రానికి రాహుల్ సంకృత్యాన్ దర్శకత్వం వహించాడు.