Waltair Veerayya: ఆ టైంలో ఇబ్బంది పడ్డా.. శృతిహాసన్ షాకింగ్ కామెంట్స్

Shruti Haasan Talks About Her Nuvvu Sridevi Aithe Song Shooting Experience: ఈ సంక్రాంతి శృతిహాసన్‌కు చాలా ప్రత్యేకమని చెప్పుకోవడంలో సందేహం లేదు. ఎందుకంటే.. కథానాయికగా నటించిన రెండు సినిమాలు (వాల్తేరు వీరయ్య, వీరసింహారెడ్డి) సంక్రాంతికి వస్తున్నాయి. దీంతో.. ఈ అమ్మడు ఫుల్ జోష్‌తో రెండు సినిమాల ప్రమోషన్ కార్యక్రమాల్లో పాల్గొంటోంది. ఈ సందర్భంగానే కొన్ని ఆసక్తికరమైన విషయాల్ని, షూటింగ్ సమయంలో తాను పడ్డ కష్టాల గురించి చెప్పుకొచ్చింది. మరీ ముఖ్యంగా.. వాల్తేరు వీరయ్యలోని ‘నువ్వు శ్రీదేవి అయితే నేను చిరంజీవి అంట’ అనే పాట చిత్రీకరణ సమయంలో తాను చాలా ఇబ్బంది పడ్డానంటూ శృతి తాజాగా చెప్పుకొచ్చింది. ఎందుకంటే, ఈ పాటని ఫ్రాన్స్‌లోని మంచుకొండల్లో షూట్ చేసిన సంగతి తెలిసిందే!

Aadhaar update: ఆధార్‌ కార్డులో ఇది మరింత ఈజీగా..

శృతిహాసన్ మాట్లాడుతూ.. ‘‘ఇకపై నేను మంచులో చీరతో మరో పాటకు డ్యాన్స్ చేయకూడదని అనుకుంటున్నాను. ఎందుకంటే.. ‘నువ్వు శ్రీదేవి అయితే’ అనే పాట షూటింగ్ సమయంలో ఆ వాతావరణంలో నేను చాలా అసౌకర్యంగా ఫీలయ్యాను. చలిలో వణుకుతూ స్టెప్పులు వేయలేకపోయా. అయితే.. ప్రేక్షకుల కోసం మేము తప్పకుండా చేయాల్సిందే కాబట్టి, ఆ చలిని తట్టుకుంటూనే డ్యాన్స్ చేశా. కానీ నాకు మాత్రం మైనస్ డిగ్రీల చలీలో నటించడం చాలా ఇబ్బందిగా అనిపించింది’’ అంటూ చెప్పుకొచ్చింది. కాగా.. ఈ పాటకి అభిమానుల నుంచి మంచి స్పందన వచ్చింది. జనవరి 13వ తేదీన విడుదల అవుతున్న ఈ సినిమా కోసం అభిమానులతో పాటు సినీ ప్రియులు ఎంతో ఆతృతగా వేచి చూస్తున్నారు. ఇందులో చిరంజీవి, రవితేజ కలిసి నటించడంతో.. ఈ చిత్రంపై భారీ అంచనాలున్నాయి.

Japan Offer: టోక్యోని వీడండి.. లక్షలు కొట్టేయండి.. జపాన్ ప్రభుత్వం ఆఫర్