Sanjay Dutt: బిగ్ బ్రేకింగ్.. సెట్ లో సంజయ్ దత్ కు ప్రమాదం.. తలకు కుట్లు

Sanjay Dutt: బాలీవుడ్ స్టార్ హీరో సంజయ్ దత్ కు ప్రమాదం జరిగినట్లు తెలుస్తోంది. ప్రస్తుతం ఆయన హీరోగా కాకుండా విలన్ గా నటిస్తూ మెప్పిస్తున్న విషయం తెల్సిందే. ఇప్పటికే కెజిఎఫ్ 2 లో విలనిజాన్ని చూపించిన సంజయ్ దత్.. తాజాగా రామ్ పోతినేని- పూరి జగన్నాథ్ కాంబోలో వస్తున్న డబుల్ ఇస్మార్ట్ సినిమాలో విలన్ గా నటిస్తున్న విషయం తెల్సిందే. ఇస్మార్ట్ శంకర్ కు సీక్వెల్ గా డబుల్ ఇస్మార్ట్ శంకర్ ను తెరకెక్కిస్తున్నాడు పూరి. ఇప్పటికే మొదటి షెడ్యూల్ ను పూర్తిచేసిన చిత్రబృందం.. రెండో షెడ్యూల్ కోసం బ్యాంకాక్ వెళ్లారు. షూటింగ్ కు ముందు చిత్ర బృందం ఎలా ఎంజాయ్ చేస్తున్నారు అనేది ఛార్మి తన సోషల్ మీడియా ద్వారా ఫోటోలను పంచుకుంది. ఇక తాజాగా అందుతున్న సమాచారం ప్రకారం నేడు షూటింగ్ మొదలుపెట్టగా.. ఆ షూటింగ్ లో సంజయ్ దత్ కు ప్రమాదం జరిగినట్లు తెలుస్తోంది.

Rk Roja: పవన్ కళ్యాణ్ అరిచి అరిచి గుండెపగిలి చచ్చిపోతాడేమో..

యాక్షన్ సీక్వెన్స్ లో భాగంగా ఒక ఫైట్ సీన్ షూట్ చేస్తుండగా.. సంజయ్ కు తలపై గాయం అయ్యిందట. వెంటనే సంజయ్ ను హాస్పిటల్ కు తీసుకెళ్లగా రెండు కుట్లు కూడా వేసినట్లు చిత్ర బృందం తెలిపింది. ప్రస్తుతం సంజయ్ దత్ ఆరోగ్యం నిలకడగా ఉందని చెప్పుకొచ్చారు. అంతేకాకుండా తలకు కుట్లు వేసినా కూడా రెస్ట్ తీసుకోకుండా సంజయ్ దత్ వెంటనే శూరింగ్ లో పాల్గొన్నట్లు తెలుస్తోంది. ఈ విషయం తెలియడంతో అభిమానులు ఆందోళన చెందుతున్నారు. సంజయ్ దత్ క్యాన్సర్ నుంచి బయటపడిన దగ్గరనుంచి ఆయన పూర్తిగా కోలుకోలేదు. దీంతో ఆయన త్వరగా కోలుకోవాలని అభిమానులు కోరుకుంటూ కామెంట్స్ పెడుతున్నారు.