Salaar : సలార్ రీ-రిలీజ్ బుకింగ్స్ జెట్ స్పీడ్..

రెబల్ స్టార్ ప్రభాస్ హీరోగా కన్నడ దర్శకుడు ప్రశాంత్ నీల్ తెరకెక్కించిన ఈ చిత్రం సలార్. 2023 డిసెంబర్ 22 న విడుదలయిన సలార్ బ్లాక్ బస్టర్ విజయం సాధించింది. హైవోల్టేజ్ యాక్షన్ డ్రామాగా వచ్చిన ఈ చిత్రం వరల్డ్ వైడ్ గా రూ.700కోట్లకు పైగా కలెక్షన్లు వచ్చాయి. ముఖ్యంగా సలార్‌లోని యాక్షన్ సీక్వెన్స్‌లు మాస్ ప్రేక్షకులను విపరీతంగా ఆకట్టుకున్నాయి. సలార్ సినిమాలో ప్రభాస్‍తో పాటు పృథ్వీరాజ్ సుకుమారన్ ప్రధాన పాత్ర పోషించారు. శృతి హాసన్ ఈ చిత్రంలో హీరోయిన్‍గా నటించింది. భారీ చిత్రాల నిర్మాణ సంస్థ హెంబాలే ఫిల్మ్స్ పతాకంపై విజయ్ కిరంగదూర్ నిర్మించగా రవి బస్రూర్ సంగీతం అందించారు.

Also Read : Director : ఆ డైరెక్టర్ ది కాన్ఫిడెన్సా లేక ఓవర్ కాన్ఫిడెన్సా

కాగా ఓటీటీ లోను సలార్ అద్భుతమైం స్పందన రాబట్టింది. ఏకంగా ఏడాది పాటు ఈ సినిమా నెట్ ఫ్లిక్స్ లో టాప్ 10 సినిమాలలో ఒకటిగా నిలిచింది. అయితే ఇప్పుడు ఈ సినిమాను మరోసారి ప్రేక్షకుల ముందుకు తీసుకురాబోతున్నారు. టాలీవుడ్ లో ప్రస్తుతం రీరిలీజ్ ట్రెండ్ నడుస్తుంది. అనేక సూపర్ హిట్ సినీమాలు రీరిలీజ్ పేరుతో ఆడియెన్స్ ముందుకు వచ్చాయి.ఈ నేపథ్యంలో రెబల స్టార్ అభిమానుల ఎదురుచూస్తున్న సలార్ మరోసారి రిలీజ్ కు రెడీ అయింది. రానున్నమార్చి 21న సలార్ రెండు తెలుగు రాష్ట్రలో రిలీజ్ కానుంది. దీంతో రెబల్ స్టార్ ఫ్యాన్స్ సలార్ రీరిలీజ్ సెలెబ్రేషన్స్ కు రెడీ అవుతున్నారు. ఇందుకోసం భారీ ఏర్పాట్లు చేస్తున్నారు. బుకింగ్స్ ఆల్రెడీ రూ.1 కోటికి పైగా గ్రాస్ ని రాబట్టేయడం విశేషం. దీన్నిబట్టి సలార్ మ్యానియా ఎలా ఉందో అనేది అర్ధం చేసుకోవచ్చు. రీరిలీజ్ నాటికీ కలెక్షన్స్ మరింత పెరిగే అవకాశం ఉంది.