Sai Dharam Tej: మంత్రిగా మామ బాధ్యతల స్వీకారం.. సైలెంటుగా సినిమా మొదలెట్టిన ధరమ్ తేజ్

Sai Dharam Tej Movie with Hanuman Producer Launched Formally: సాయిధరమ్ తేజ్, గత ఏడాది “విరూపాక్ష” విడుదల అనంతరం కొంత గ్యాప్ తీసుకున్నా ఇప్పటి వరకు తన తదుపరి ప్రాజెక్ట్ పై క్లారిటీ ఇవ్వలేదు. ఆ మధ్య పలు సినిమాలపై చర్చలు జరిపారు కానీ, వాటిలో కొన్నిటి పనులు ప్రారంభం కాకుండానే ఆగిపోయాయన్న వార్తలు వచ్చాయి. ముఖ్యంగా సంపత్ నంది దర్శకత్వంలో గాంజా శంకర్ అనే సినిమా మొదలయ్యింది కానీ అది సడన్ గా అటక ఎక్కింది. సాయిధరమ్ తేజ్ “విరూపాక్ష” తరువాత చేసిన యాక్సిడెంట్ నుండి పూర్తిగా కోలుకునేందుకు చాలా సమయం తీసుకున్నారు. గత ఏడాది ప్రత్యేక చికిత్స కోసం అమెరికాకు వెళ్లి, చికిత్స తీసుకున్న తర్వాత తిరిగి వచ్చి, కొత్త కథలు వినడం ప్రారంభించినా పెద్దగా ఏవీ ఆయనకు ఎక్కలేదు. విరూపాక్ష మార్కెట్ లో 100 కోట్ల బిజినెస్ చేయడం అతని కెరీర్ కు బాగా బూస్ట్ ఇవ్వగా పవన్ తో చేసిన బ్రో సినిమా కమర్షియల్ గా వర్కౌట్ అయింది.

Mahesh Babu: దట్ ఈజ్ మహేష్.. అభిమాని పిల్లల్ని దత్తత తీసుకోని ఆపై..

“హనుమాన్” నిర్మాత నిరంజన్ రెడ్డి సాయిధరమ్ తేజ్ తో ఒక సినిమా ప్లాన్ చేశాడ. ఈ ప్రాజెక్ట్ తో రోహిత్ దర్శకుడిగా పరిచయం అవుతున్నారు. ఇక తాజాగా ఈ సినిమా పూజా కార్యక్రమాలతో ఈరోజు ప్రారంభం అయింది. ఈరోజు అమరావతిలో పవన్ కళ్యాణ్ మంత్రిగా బాధ్యతలు స్వీకరించారు. ఇదే రోజు సాయి ధరం తేజ్ సినిమా ప్రారంభించడం గమనార్హం. ఈ సినిమా బడ్జెట్ దాదాపు రూ. 100 కోట్లు ఉంటుందని అంటున్నారు. తన కెరీర్లో ఇప్పటివరకు ఇంత బిగ్ బడ్జెట్ లో సాయి సినిమా చేయలేదు. పాన్ ఇండియా స్థాయిలో ఈ సినిమా వచ్చే ఏడాది విడుదల కానుందని అంటున్నారు. రాజకీయ అంశాలపై, యాక్షన్ థ్రిల్లర్ గా రూపొందనున్న ఈ సినిమా పై అభిమానుల్లో, సినీ వర్గాల్లో భారీ అంచనాలు ఏర్పడుతున్నాయి. ఇక ఈ మేరకు అధికారిక ప్రకటన త్వరలో చేసే అవకాశం ఉంది.