Salaar: ఆరు రోజుల్లో 70% రికవరీ… అయినా అప్సెట్ లో ఉన్న ఫ్యాన్స్?

పోయిన శుక్రవారం థియేటర్లోకి వచ్చిన సలార్ సినిమాకు… సోమవారం క్రిస్మస్‌ హాలీడేతో లాంగ్ వీకెండ్ ముగిసింది. దీంతో మంగళవారం నుంచి సలార్ వసూళ్లు కాస్త స్లో అయ్యాయి. నాలుగు రోజుల్లో 450 కోట్లు క్రాస్ చేసిన సలార్‌… ప్రపంచ వ్యాప్తంగా ఆరు రోజుల్లో 500 కోట్ల మార్క్‌ దాటిందని ట్రేడ్ వర్గాల సమాచారం. ఈ వీకెండ్ కంప్లీట్ అయ్యే లోపు సలార్‌ సినిమా బ్రేక్ ఈవెన్ మార్క్‌ టచ్ చేసేలా ఉంది. వారం రోజులు తిరగకుండానే సలార్  సినిమా ఆల్మోస్ట్ 70% పర్సెంట్ థియేటర్ బిజినెస్ ని రికవర్ చేసింది. దీంతో అంత భారీ టార్గెట్ ని కూడా రెండు వారాల్లో రీచ్ అవ్వబోతున్నాం అంటూ ప్రభాస్ ఫ్యాన్స్‌ పండగ చేసుకుంటున్నారు. అయితే ఒక్క విషయంలో మాత్రం ఫ్యాన్స్ హర్ట్ అయ్యారనే చెప్పాలి. సూపర్ హిట్ కొట్టి కూడా రెబల్ స్టార్ ఫ్యాన్స్ అప్సెట్ అవ్వడానికి కారణం ప్రభాస్‌ మాత్రమే…

అభిమానులు ప్రభాస్ ని పబ్లిక్ ఈవెంట్స్‌లో చూసి చాలా రోజులే అవుతోంది. చివరగా ఆదిపురుష్ ప్రీ రిలీజ్ ఈవెంట్‌లో కనిపించిన ప్రభాస్… మళ్లీ మీడియా ముందుకు గానీ, పబ్లిక్ మీటింగ్స్‌లలో గానీ కనిపించలేదు. సలార్ ప్రమోషన్స్‌ కోసమైనా బయటికి వస్తాడు అనుకుంటే… ఈవెంట్ కాదు కదా కనీసం ప్రెస్ మీట్ కూడా పెట్టలేదు. దీంతో ఇక ప్రభాస్‌ను ఇంటర్య్వూలు, సినిమాల్లో మాత్రమే చూడాలా? అనే డౌట్స్ వస్తున్నాయి. సలార్ హిట్ అయినా కూడా ఇప్పటివరకు మీడియా ముందుకి కూడా రాలేదు ప్రభాస్. పోనీ సలార్ సక్సెస్ మీట్ అయినా ఉంటుందా? అంటే అది లేదు. దీంతో డార్లింగ్ ఫ్యాన్స్ కాస్త హర్ట్ అవుతున్నారు. ఎన్ని ఇంటర్య్వూలు ఇచ్చినా… ఒక్కసారి ప్రభాస్ బయటికొచ్చి… హలో డార్లింగ్స్ అంటూ సలార్ గురించి మాట్లాడితే ఆ కిక్కే వేరు కానీ ఈసారికి ఇది కష్టమనే చెప్పాలి. అయితే… నెక్స్ట్ రానున్న కల్కి, మారుతి సినిమాలకైనా ప్రభాస్ ప్రమోషన్స్ చేస్తాడా? లేదంటే… ఇలాగే కంటిన్యూ చేస్తాడా? అనేది చూడాలి.