RC 15: మార్చ్ 27న మెగా పండగ గ్యారెంటీనా?

మెగా పవర్ స్టార్ రామ్ చరణ్ తేజ్, క్రియేటివ్ డైరెక్టర్ శంకర్ తో కలిసి చేస్తున్న పాన్ ఇండియా సినిమా ‘RC 15’. ప్రతి నెలలో పన్నెండు రోజులు మాత్రమే షూటింగ్ జరుపుకుంటున్న ఈ మూవీపై సినీ అభిమానులందరిలోనూ భారి అంచనాలు ఉన్నాయి. జెట్ స్పీడ్ లో షూటింగ్ జరుపుకుంటున్న ఈ మూవీ లాస్ట్ షెడ్యూల్ వైజాగ్ ప్రాంతంలో జరిగింది. సింహాద్రి అప్పన్న సాక్షిగా, ఒక భారి సెట్ ని వేసి RC 15 సినిమా సాంగ్ షూట్ చేశాడు శంకర్. చరణ్, కియారా అద్వానీలపై డిజైన్ చేసిన ఈ సాంగ్ చరణ్ ఇంట్రడక్షన్ ఎపిసోడ్ ని శంకర్ తెరకెక్కించాడు. ఇదిలా ఉంటే RC 15 సినిమా టైటిల్ అండ్ ఫస్ట్ లుక్ పోస్టర్ ని మేకర్స్ మార్చ్ 27న రిలీజ్ చెయ్యడానికి ప్లాన్ చేస్తున్నారని సమాచారం. ఆరోజు చరణ్ బర్త్ డే ఉంది కాబట్టి ఫస్ట్ లుక్ ని లాంచ్ చేసి అఫీషియల్ గా ప్రమోషన్స్ ని కూడా మొదలుపెట్టడానికి మేకర్స్ ప్లాన్ చేస్తున్నారు. మరి RC 15 ఫస్ట్ లుక్ పాన్ ఇండియా స్థాయిలో ఎలాంటి సౌండ్ చేస్తుందో చూడాలి.

Read Also: NTR: మార్చ్ 17న కలవనున్న ‘మాస్-దాసు’

ఈ పాన్ ఇండియా మూవీలో రామ్ చరణ్ మూడు వేరియేషన్స్ లో కనిపించనున్నాడు. అందులో ఒకటి ఐఏఎస్ ఆఫీసర్ కాగా, ఇంకొకటి స్టూడెంట్ రోల్, మూడోది CM పాత్ర. ఈ పాత్రలో చరణ్ పంచెకట్టుతో పూర్తి స్థాయి విలేజ్ లుక్ లో కనిపిస్తాడు. ఈ రోల్ కోసం పొలిటికల్ క్యాంపెయిన్ ఎపిసోడ్ షూట్ చేసిన శంకర్, చరణ్ ని తెలుగు రాష్ట్రం మొత్తం తిప్పాడు. హీరోయిన్ అంజలి, CM పాత్రకి వైఫ్ క్యారెక్టర్ ప్లే చేస్తోంది. ఇందుకు సంబంధించిన ఒక లీక్డ్ ఫోటో అప్పట్లో సోషల్ మీడియాలో వైరల్ అయ్యింది.