రవితేజ ‘ఖిలాడి’ టాకీ పూర్తి

మాస్ మహారాజ రవితేజ, దర్శకుడు రమేష్ వర్మ కలయికలో రూపొందుతున్న యాక్షన్ ఎంటర్టైనర్ ‘ఖిలాడి’ సినిమా టాకీ పూర్తయింది. కోనేరు సత్యనారాయణ నిర్మిస్తున్న ఈ సినిమాలో మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. ‘ఖిలాడి’ నుంచి ఇటీవల టీజర్ విడుదల చేశారు. అంతకు ముందు వినాయక చవితి సందర్భంగా తొలి పాటను రిలీజ్ చేశారు. ఈ రెండింటికి చక్కటి స్పందన లభిస్తోందని, ఇటీవల షెడ్యూల్ తో రెండు పాటలు మినహా షూటింగ్ పార్ట్ మొత్తం పూర్తయిందని నిర్మాత చెబుతున్నాడు. తమ సినిమాను థియేటర్స్ లోనే విడుదల చేసి ప్రేక్షకులను థ్రిల్‌ ఇస్తామని దర్శకుడు రమేష్ వర్మ అంటున్నారు. పెన్ స్టూడియోస్, ఏ స్టూడియోస్ కలసి నిర్మిస్తున్న తమ సినిమాకు ‘ప్లే స్మార్ట్’ అన్నది ట్యాగ్ లైన్‌ గా తెలిపారు దర్శకుడు. హవీష్ ప్రొడక్షన్‌ రూపొందిస్తున్న ఈ సినిమాకు శ్రీకాంత్ విస్సా, దేవీ శ్రీ ప్రసాద్ సోదరుడు సాగర్ డైలాగ్స్ అందిస్తుండటం విశేషం.