Ram Charan: మైసూర్ లో అడుగుపెట్టిన గేమ్ ఛేంజర్…

మెగా పవర్ స్టార్ రామ్ చరణ్ తేజ్ మళ్లీ రంగంలోకి దిగుతున్నాడు. గేమ్ ఛేంజర్ గా మారి సెట్స్ లో జాయిన్ అవ్వనున్నాడు. క్రియేటివ్ డైరెక్టర్ శంకర్ తో రామ్ చరణ్ చేస్తున్న ఈ పాన్ ఇండియా సినిమా రెగ్యులర్ షూటింగ్ కొత్త షెడ్యూల్ మైసూర్ లో జరగనుంది. ఈ షెడ్యూల్ కోసం చరణ్ మైసూర్ లో అడుగుపెట్టాడు. ఇండియన్ 2 షూటింగ్ లో బిజీగా ఉండి శంకర్ గేమ్ ఛేంజర్ షూటింగ్ కి కాస్త బ్రేక్ ఇచ్చాడు. మళ్లీ రెగ్యులర్ షూటింగ్ స్టార్ట్ అవుతుంది కాబట్టి ఇక్కడి నుంచి బ్యాక్ టు బ్యాక్ షెడ్యూల్స్ కంప్లీట్ చేస్తే గేమ్ ఛేంజర్ సినిమా 2024 జనవరి ఎండింగ్ లేదా ఫెబ్ కి కంప్లీట్ చేసుకునే ఛాన్స్ ఉంది. గేమ్ ఛేంజర్ రిలీజ్ వచ్చే సమ్మర్ తర్వాతే ఉండే అవకాశం ఉంది.

సినిమా రిలీజ్ ఎలాగూ లేట్ అవుతుంది కాబట్టి మెగా ఫ్యాన్స్ కోసం మంచి అప్డేట్స్ అయినా బయటకి వదిలితే బాగుంటుంది. ఇప్పటికే ‘జరగండి’ సాంగ్ కోసం దీపావళికి బయటకి వస్తుందని మెగా ఫాన్స్ వెయిట్ చేసి బాగా డిజప్పాయింట్ అయ్యారు. ఈసారి అలా మిస్ చేయకుండా మంచి అకేషన్ చేసుకోని ‘జరగండి’ సాంగ్ ని బయటకి వదిలితే… ఫ్యాన్స్ లో జోష్ వస్తుంది లేదంటే అసలు గేమ్ ఛేంజర్ ప్రాజెక్ట్ విషయంలో ఏం జరుగుతుంది అనే అయోమయంలో ఉంటారు. గేమ్ ఛేంజర్ ని శంకర్ త్వరగా కంప్లీట్ చేస్తే… చరణ్ బుచ్చిబాబుతో సినిమా కోసం రెడీ అవుతాడు. ఆ పాన్ ఇండియా ప్రాజెక్ట్ RC16 అనే వర్కింగ్ టైటిల్ తో అనౌన్స్ అయ్యింది. చరణ్ ఓకే చెప్పడమే లేట్ సెట్స్ పైకి వెళ్లడానికి బుచ్చిబాబు రెడీగా ఉన్నాడు.