Raj Tarun : తిరగబడరసామీ థియేట్రికల్ రిలీజ్ డేట్ వచ్చేసింది..

రాజ్ తరుణ్ గత వారం రోజుల నుండి తెలుగు చిత్ర సీమలో ఈ హీరో పేరు వినిపించినంతగా మరేహీరో పేరు వినిపించలేదు. ఇతగాడి మాజీ ప్రియురాలు లావణ్య అతడిపై కేసు పెట్టడం, మాన్వి మల్హోత్రా అనే హీరోయిన్ తో రాజ్ తరుణ్ రిలేషన్ లో ఉన్నాడని అందుకు సంబంధించిన ఫోటోలు, వీడియోలు, కాల్ రికార్డింగ్స్ బయటకు రావడంతో రాజ్ తరుణ్ వ్యవహారం రచ్చకెక్కింది. ఇరువురు వాదనలు, పరస్పర ఆరోపణలతో రోజుకో మలుపు తిరుగుతోంది వీరిద్దరి వ్యవహారం.

కాగా రాజ్ తరుణ్ హీరోగా మాన్వి మల్హోత్రా హీరోయిన్ గా తిరగబడరసామీ అనే చిత్రం తెరకెక్కింది. ఈ చిత్రం షూటింగ్ సమయంలోనే మాన్వి మల్హోత్రాతో ప్రేమాయణం సాగించి తనను దూరం పెట్టాడని లావణ్య ఆరోపించింది. ఎప్పుడో షూటింగ్ పూర్తి చేసుకొని విడుదలకు రెడీగా ఉన్న సినిమాను తొలుత ఫిబ్రవరి 23న  విడుదల చేయాలని భావించారు నిర్మాతలు. కానీ అనికొని కారణాల వలన ఆగిపోయింది. మరోసారి జులై 19న విడుదల ప్లాన్ చేయగా కేసుల్లో భాగంగా  రాజ్ తరుణ్ ప్రచార కార్యక్రమాలాకు హాజరు కావడం కుదరదు. ఇప్పుడు ఉన్న పరిస్థితుల్లో విడుదల చేయడం కరెక్ట్ కాదని భావించిన నిర్మాతలు ఆగస్టు -2న విడుదల చేయబోయితున్నట్టు అధికారకంగా ప్రకటించారు. ఈలోగా ఈ కేసుల వ్యవహారం ఓ కొలిక్కి వస్తే రాజ్ తరుణ్ తిరగబడరసామీ ప్రమోషన్స్ లో పాల్గొంటాడని నిర్మాతలు భావిస్తోన్నారు. అసలే హిట్లు లేక సతమవుతున్న ఈ యంగ్ హీరోకు ఈ కేసుల వ్యవహారం తలనొప్పిగా మారింది. తిరగబడరసామీ టైటిల్ తగ్గట్టుగానే రాజ తరుణ్ వ్యవహారం నడుస్తోంది. ఆగస్టులో రిలీజ్ కాబోతున్న ఈ చిత్రాన్ని సురక్ష్ ఎంటర్టైన్మెంట్స్ బ్యానర్ పై మల్కాపురం శివకుమార్ నిర్మిస్తోండగా ఎ.ఎస్. రవికుమార్ చౌదరి దర్శకత్వం వహిస్తునాడు.

 

 

Also Read : Sudheer babu: హరోం హర ఓటీటీ విడుదల వాయిదా..?