Raghu Babu : నవ్వులతో రఘుబాబు రుబాబు!
- Follow Us :
-
-
Add as a preferred
source on google
తెలుగు సినిమా రంగంలో తండ్రుల బాటలోనే సాగుతున్న తనయులు ఎందరో ఉన్నారు. ప్రస్తుతం అనేక చిత్రాలలో నవ్వులు పూయిస్తున్న రఘుబాబు కూడా తండ్రి గిరిబాబు లాగే చిత్రప్రయాణం సాగిస్తున్నారు. గిరిబాబు విలన్ గా, కామెడీ విలన్ గా, కేరెక్టర్ యాక్టర్ గా, కమెడియన్ గా పలు చిత్రాలలో మురిపించారు. అదే తీరున రఘుబాబు సైతం ఆకట్టుకుంటున్నారు. ఇప్పటికీ రఘుబాబును దృష్టిలో పెట్టుకొని పాత్రలు సృష్టిస్తున్న వారెందరో!
యర్రా రఘుబాబు 1960 జూన్ 24న జన్మించారు. రఘుబాబు పుట్టిన తరువాతే ఆయన తండ్రి గిరిబాబు సినిమా రంగంలో ప్రయత్నాలు మొదలెట్టారు. గిరిబాబు చిత్రసీమలో రాణిస్తున్న సమయంలోనే రఘుబాబు కూడా సినిమా రంగంలో అడుగుపెట్టాలనుకున్నారు. అయితే అతని తమ్ముడు బోసుబాబును హీరోగా పరిచయం చేయడంతో, తండ్రి నిర్మించే చిత్రాలకు ప్రొడక్షన్ చూసుకుంటూ సాగారు. దర్శకనిర్మాత సత్యారెడ్డి తన ‘దొంగలున్నారు జాగ్రత్త’ చిత్రంలో రఘుబాబును కీలక పాత్రలో నటింప చేశారు. అయినా డబ్బింగ్ సినిమాలు తీయడం, వాటిని విడుదల చేయడం చేసేవారు రఘుబాబు. మరికొన్ని వ్యాపారాలతో చేతులు కాల్చుకున్నారు. ఆ సమయంలో ఇక నటన తప్ప వేరే మార్గం కనిపించని రఘుబాబుకు మొదట్లో తిరస్కారాలు ఎదురయ్యాయి. అయితే అన్నిటినీ చిరునవ్వుతో ఓదార్చుకుంటూ అందిన ప్రతీ అవకాశాన్నీ వినియోగించుకున్నారు. కొన్ని టీవీ సీరియల్స్ లోనూ నటించారు. ఆ పై ‘మురారి’, ‘ఆది’ చిత్రాలలో రఘుబాబుకు గుర్తింపు ఉన్న పాత్రలు లభించాయి. ఆ తరువాత నవ్వించడమూ అలవాటు చేసుకున్నారు. ఆయన కామెడీ జనాన్ని భలేగా ఆకట్టుకుంది.
Also Read
- Hanuman Ansh: రూ.452 కోట్లు కొల్లగొట్టినా ఎవరూ పట్టించుకోలేదు.. ‘హనుమాన్ అంశ్’ డైరెక్టర్ అసంతృప్తి!
- Shiva Kandukuri Marriage: టాలీవుడ్లో పెళ్లిళ్ల సందడి.. పెళ్లిపీటలెక్కబోతున్న మరో హీరో!
- Chiranjeevi Letter: మెగాస్టార్ చిరంజీవి లేఖ.. అమిత్ షాకు అందజేసిన కిషన్ రెడ్డి!
- Ramayana Part 2: రణ్బీర్, యష్ కాదు.. పార్ట్ 2లో ప్రధాన ఆకర్షణ ఆయనే.. ఆసక్తికర విషయాలు చెప్పిన అజింక్య!
ప్రస్తుతం తెలుగు చిత్రసీమలో ఎందరెందరో కామెడీ పండించడానికి సై అంటూ వచ్చేస్తున్నారు. అయినా రఘుబాబు తనదైన నటనతో నవ్వుల నావ నడుపుకుంటూ చిత్రసాగరంలో ప్రయాణం సాగిస్తున్నారు. ఏ నాడయితే రఘుబాబు నవ్వులు పండించడం మొదలు పెట్టారో, ఆ తరువాత నుంచీ వెనుదిరిగి చూసుకోకుండా ముందుకు సాగుతూనే ఉన్నారు. ఇప్పటికీ ఏడాదికి ఆరేడు సినిమాల్లో కనిపిస్తూనే రఘుబాబు అలరిస్తున్నారు. నవతరం హాస్యనటులు బయలు దేరుతున్నా, వారికీ గట్టిపోటినిస్తున్నారు రఘుబాబు. అందువల్లే దర్శకనిర్మాతలు, రచయితలు రఘుబాబు కోసమే అన్నట్టు ఏదో ఒక వైవిధ్యమైన పాత్రను క్రియేట్ చేసి, ఆయనను అందులో పరకాయప్రవేశం చేయిస్తున్నారు. అలా ప్రతీసారి రఘుబాబు మార్కులు సంపాదిస్తున్నారనే చెప్పాలి. గిరిబాబు ఎనిమిది పదులు దాటినా ఇంకా దరిచేరిన పాత్రలను పోషిస్తున్నారు. రఘుబాబు కూడా అదే తీరున సాగుతారేమో చూడాలి.
తాజావార్తలు
-
TVS Star City Plus: స్ల్పెండర్కు గట్టిపోటీ ఇచ్చిన టీవీఎస్ బైక్కు ముగింపు .. చరిత్రలోకి స్టార్ సిటీ ప్లస్!
-
Iran War: ఇరాన్పై 7 రోజుల వైమానిక దాడులకు ప్లాన్? ట్రంప్ నిర్ణయం కోసం నెతన్యాహు ఎదురుచూపులు
-
Ind Vs Nepal: టాస్ గెలిచిన నేపాల్.. బ్యాటింగ్లో అభిషేక్ మెరుపులు..
-
Stock Market: దూసుకుపోతున్న స్టాక్ మార్కెట్ సూచీలు.. ఇన్వెస్టర్లకు లాభాలే లాభాలు..
-
Uttar Pradesh: ఇంటి ముందు ‘‘వందేమాతరం’’ ఉండటమే పాపమా.. ముస్లిం యువతి నికాహ్కు నిరాకరించిన ఇమామ్
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!