Salaar 2: ఎన్టీఆర్ 31 వెనక్కి సలార్ 2 ముందుకి… ప్రశాంత్ నీల్ మాస్టర్ ప్లాన్

యంగ్ టైగర్ ఎన్టీఆర్ ఆర్ ఆర్ ఆర్ సినిమా తర్వాత రెండు ప్రాజెక్ట్స్ అనౌన్స్ చేశాడు. పాన్ ఇండియా మార్కెట్ టార్గెట్ చేస్తూనే తెరకెక్కనున్న ఆ రెండు సినిమాల్లో ఒకటి కొరటాల శివతో కాగా మరొకటి ప్రశాంత్ నీల్ తో. కొరటాల శివ-ఎన్టీఆర్ కాంబినేషన్ లో ‘ఎన్టీఆర్ 30’ సినిమా సెట్స్ పైకి వెళ్లింది. ఈ మూవీ షూటింగ్ అయిపోగానే ప్రశాంత్ నీల్-ఎన్టీఆర్ కాంబినేషన్ లో ‘ఎన్టీఆర్ 31’ సెట్స్ పైకి వెళ్లాల్సి ఉంది. ప్రశాంత్ నీల్-ఎన్టీఆర్ కాంబినేషన్ కోసం ఫాన్స్ ఈగర్ గా వెయిట్ చేస్తున్నారు, ఎప్పుడెప్పుడు ఈ సినిమా సెట్స్ పైకి వెళ్తుందా అని ఎదురు చూస్తున్న సమయంలో ఎన్టీఆర్ ‘వార్ 2’ సినిమాలో నటించబోతున్నాడు అనే వార్త బయటకి వచ్చింది. సెప్టెంబర్ నుంచి సెట్స్ పైకి వెళ్లనున్న వార్ 2 మూవీలో ఎన్టీఆర్, హ్రితిక్ రోషన్ తో స్క్రీన్ షేర్ చేసుకోబోతున్నాడు. వార్ 2 సెప్టెంబర్ నుంచి సెట్స్ పైకి వెళ్తుంది అనే విషయం ఇప్పుడు ఇండస్ట్రీలో రెండు విషయాలకి క్లారిటీ ఇచ్చింది.

ఎన్టీఆర్-ప్రశాంత్ నీల్ కాంబినేషన్ లో రావాల్సిన ‘ఎన్టీఆర్ 31’ మరింత డిలే అవనుంది, సలార్ 2 సెట్స్ పైకి వెళ్లనుంది. ప్రభాస్-ప్రశాంత్ నీల్ కాంబినేషన్ లో రానున్న సలార్ షూటింగ్ చివరి దశలో ఉంది. రెండు పార్ట్స్ గా సలార్ ని రూపొందిస్తే KGF స్టైల్ లో బాక్సాఫీస్ ని రఫ్ఫాడేయ్యొచ్చు అనేది ప్రశాంత్ నీల్ ప్లాన్, ప్రభాస్ అభిమానులు కోరుకునేది కూడా ఇదే. ప్రశాంత్ నీల్ సలార్ 2 కంప్లీట్ చేసే లోపు ఎన్టీఆర్ వార్ 2 సినిమాని కంప్లీట్ చేసేస్తే ఆ తర్వాత ప్రశాంత్ నీల్-ఎన్టీఆర్ కాంబినేషన్ లో ప్రాజెక్ట్ ఆన్ అవుతుంది. వార్ 2తో ఎన్టీఆర్ హిందీ మార్కెట్ మరింత బలపడుతుంది, సలార్ 1&2తో ప్రశాంత్ నీల్ నార్త్ మార్కెట్ సాలిడ్ గా రెడీ అవుతుంది. అలాంటి టైమ్ లో ప్రశాంత్ నీల్-ఎన్టీఆర్ కాంబినేషన్ సినిమా పడితే బాక్సాఫీస్ ని బొమ్మ కనిపించడం గ్యారెంటీ.