Prabhas: యంగ్ రెబల్ స్టార్ ప్రభాస్ ప్రస్తుతం టాలీవుడ్‌లో ఏకంగా నాలుగు సినిమాలతో బిజీ బిజీగా ఉన్నాడు. ఆదిపురుష్, సలార్, ప్రాజెక్ట్ కే సినిమాలతో పాటు మారుతి సినిమాకు కూడా ఇటీవల ప్రభాస్ పచ్చజెండా ఊపిన సంగతి తెలిసిందే. వీటిలో సలార్, ఆదిపురుష్ సినిమాలు వచ్చే ఏడాది విడుదలయ్యే అవకాశాలు ఉన్నాయి. అయితే ప్రభాస్ తాజాగా ఆస్పత్రిలో కనిపించడంతో అభిమానులు కంగారు పడుతున్నారు. ప్రభాస్ ఆస్పత్రిలో ఐసీయూ నుంచి బయటకు వస్తున్న వీడియో ఇప్పుడు సోషల్ మీడియాలో వైరల్‌గా మారింది. దీంతో తమ అభిమాన హీరోకు ఏమైందంటూ కొందరు ఫ్యాన్స్ సోషల్ మీడియాలో ప్రశ్నలు వేస్తున్నారు.
Read Also: Ram Charan: కొత్త లుక్‌లో అదరగొడుతున్న చెర్రీ.. సోషల్ మీడియాలో ట్రెండింగ్
కాగా కొన్ని రోజుల క్రితం ప్రభాస్ కాలికి గాయం అయిందని, సర్జరీ కూడా జరిగినట్లు వార్తలు షికారు చేశాయి. ప్రభాస్‌ను వైద్యులు పరీక్షించి 10 రోజుల పాటు రెస్ట్ తీసుకోవాలని సూచించినట్లు ప్రచారం జరిగింది. సీతారామం ప్రీ రిలీజ్ ఈవెంట్‌కు ప్రభాస్ ముఖ్య అతిథిగా వస్తాడని మేకర్స్ ప్రకటించినా రాలేదు. దీంతో నిర్మాత అశ్వనీదత్ ప్రభాస్ ఓ సర్జరీ కోసం విదేశాలకు వెళ్లాడని వివరించారు. ఈ నేపథ్యంలో ప్రభాస్ మరోసారి ఆస్పత్రిలో దర్శనం ఇవ్వడంతో అతడికి సర్జరీ జరిగిన మాట నిజమేనా అని నెటిజన్‌లు అభిప్రాయపడుతున్నారు. అయితే ఆసుపత్రిలో తన పెదనాన్న కృష్ణంరాజును చూసేందుకు ప్రభాస్ వెళ్లాడంటూ సోషల్ మీడియాలో కొందరు కామెంట్స్ చేస్తున్నారు. అసలు ప్రభాస్ ఎందుకు హాస్పిటల్‌కి వెళ్లాడు అనే విషయంపై స్పష్టత రావాల్సి ఉంది. ఇది లేటెస్ట్ వీడియోనా లేదా పాత వీడియోనా అన్న విషయంపైనా క్లారిటీ రావాలని అభిమానులు అభిప్రాయపడుతున్నారు.
#Prabhas Anna spotted at hospital.His swag 🔥🙏 pic.twitter.com/bk4i2rqduK
— SALAAR – the monster (@NawinMoto) September 10, 2022