Ram Charan: కొత్త లుక్‌లో అదరగొడుతున్న చెర్రీ.. సోషల్ మీడియాలో ట్రెండింగ్

Ram Charan: రాజమౌళి ఆర్.ఆర్.ఆర్ సినిమాతో మెగా పవర్‌స్టార్ రామ్‌చరణ్ పాన్ ఇండియా హీరోగా మారిపోయాడు. ప్రస్తుతం అతడు లెజెండరీ డైరెక్టర్ శంకర్ దర్శకత్వంలో పనిచేస్తున్నాడు. ఆర్‌సీ 15 వర్కింగ్ టైటిల్‌తో ఈ మూవీ తెరకెక్కుతోంది. తాజాగా రామ్‌చరణ్ ఇన్‌స్టాగ్రామ్‌లో విడుదల చేసిన ఫోటో సోషల్ మీడియాలో వైరల్‌గా మారింది. ఈ ఫోటోలో గుబురు గడ్డంతో, నల్ల కళ్లజోడు పెట్టుకుని చెర్రీ అద్దంలో తన అందాలను చూసుకుంటున్నాడు. ఈ లుక్‌లో రామ్‌చరణ్ ఎంతో అందంగా కనిపిస్తున్నాడు. శంకర్ దర్శకత్వంలో రూపొందుతున్న సినిమాలో చరణ్ ఇదే లుక్‌లో కనిపిస్తాడని ప్రచారం జరుగుతోంది. దీంతో చెర్రీ లుక్స్‌పై నెటిజన్‌లు సూపర్ అంటూ కామెంట్లు చేస్తున్నారు.

Read Also: TFJA: టి.ఎఫ్.జె.ఏ. కు పవర్ స్టార్ ప్రశంసలు!

శంకర్ తెరకెక్కిస్తోన్న భారీ సినిమాలో రామ్ చరణ్ సరసన హిందీ హీరోయిన్ కియారా అద్వానీ నటిస్తోంది. ఈ మూవీకి ఎస్ ఎస్ తమన్ సంగీతం అందిస్తున్నాడు. ప్రముఖ నిర్మాత దిల్ రాజు ఈ చిత్రాన్ని భారీగా నిర్మిస్తున్నాడు. ఈ సినిమా నాన్ థియేట్రికల్ రైట్స్‌ను ప్రముఖ మీడియా సంస్థ జీ ఛానెల్ కొనుగోలు చేసినట్లు తెలుస్తోంది. మరోవైపు ఈ సినిమాకి అన్ని భాషల్లో కలిపి ఓవర్సీస్‌ రైట్స్ కోసం రూ.45 కోట్లకి పైగానే చెల్లించేందుకు ప్రముఖ డిస్ట్రిబ్యూషన్ సంస్థ రెడీగా ఉందని ప్రచారం జరుగుతోంది. ఈ మూవీలో ఇతర ముఖ్య పాత్రల్లో సునీల్, అంజలి, శ్రీకాంత్, నవీన్ చంద్ర కనిపించనున్నారు. 2023 సంక్రాంతి కానుకగా శంకర్-రామ్‌చరణ్ మూవీ విడుదల కానుంది.

Mega Power Star @alwaysRamCharan shares a novel candid picture of himself holding a mirror. Dressed sharp in black, the actor looks quite dapper and stunning.#RamCharan pic.twitter.com/c5C2ZFTzoB

— BA Raju's Team (@baraju_SuperHit) September 10, 2022