Payal Ghosh: ఆ ఇండస్ట్రీలో ట్యాలెంట్ అవసరం లేదు.. బట్టలు విప్పితే చాలు

Payal Ghosh: పాయల్ ఘోష్ గురించి ప్రత్యేకంగా పరిచయం చేయాల్సిన అవసరం లేదు. ఎవరామె అని అడిగితే.. ఎన్టీఆర్ నటించిన ఊసరవెల్లి సినిమాలో తమన్నాకు ఫ్రెండ్ గా నటించి మెప్పించిన హీరోయిన్ అని చెప్పాలి. అంతకుముందు మనోజ్ హీరోగా నటించిన ప్రయాణం చిత్రంతో హీరోయిన్ గా పరిచయం అయ్యిందని చెప్పాలి. ఆ సినిమా ఆశించిన ఫలితాన్ని అందుకోలేకపోయినా ఈ భామకు మంచి గుర్తింపుని తీసుకొచ్చి పెట్టింది. ఈ సినిమా తరువాత అడపదడపా సౌత్ సినిమాల్లోకనిపించి మెప్పించింది. ఇక పాయల్ .. సినిమాల కంటే వివాదాలతోనే ఎక్కువ గుర్తింపు అందుకుంది. బాలీవుడ్ దర్శకుడు అనురాగ్ కశ్యప్ తనను లైంగికంగా వేధించాడు అంటూ మొదలుపెట్టిన ఆమె .. అతడి నుంచి తనకు ప్రాణాహానీ ఉందనే వరకు వెళ్ళింది. ఈ ఆరోపణలు నిజమా అబద్దమా అనేది తెలియదు కానీ, పాయల్ మాత్రం సమయం వచ్చినప్పుడల్లా బాలీవుడ్ ను ఏకిపారేయడం మొదలుపెట్టింది. బాలీవుడ్ లో సినిమా ఒప్పుకోవాలంటే కమిట్ మెంట్ ఇవ్వాలని .. ఆలా ఇచ్చి ఉంటే .. ఈపాటికి తాను 30 సినిమాలు చేసేదాన్ని అని చెప్పుకొచ్చింది.

Photo Talk: కోటాకు ప్రేమతో వడ్డిస్తున్న ఆలీ.. ఏవైనా ఆ రోజులే బావుండేవి

ఇక తజాగా మరోసారి పాయల్.. బాలీవుడ్ ప్రతిష్టను దిగజార్చే వ్యాఖ్యలు చేసి హాట్ టాపిక్ గా మారింది. బాలీవుడ్ లో హీరోయిన్లకు ప్రతిభతో పనిలేదని బట్టలు విప్పితే చాలని సెన్సేషనల్ వ్యాఖ్యలు చేసింది. “దేవుడి ద‌యవ‌ల్ల సౌత్ సినిమాల ద్వారా పరిచయం అయ్యాను కాబట్టి సరిపోయింది.. అలా కాకుండా ముందే బాలీవుడ్ లో ఎంట్రీ ఇచ్చి ఉంటే నా బట్టలు విప్పించేవారు. అలా చేసి నా పేరు మీద వ్యాపారం చేసుకునేవారు. వాళ్ల‌కి ట్యాలెంట్ తో ప‌నిలేదు. బట్టలు విప్పి అమ్మాయిల అందాలు చూపిస్తే చాలు” అని ట్వీట్ చేసింది. ప్రస్తుతం ఈ ట్వీట్ నెట్టింట వైరల్ గా మారింది. ఇక అమ్మడి మాటలతో బాలీవుడ్ మరోసారి హాట్ టాపిక్ గా మారింది. మరి ఈ వ్యాఖ్యలపై బాలీవుడ్ పెద్దలు ఎలాంటి కౌంటర్ ఇస్తారో చూడాలి.