Krishna Ghattam : కృష్ణాష్టమి స్పెషల్.. ‘కృష్ణ ఘట్టం’ కృష్ణ పద్యం రిలీజ్

Nithya Sathyam song from Krishna Ghattam Movie Released: వైల్డ్ వర్ట్యూ క్రియేషన్స్ పతాకం పై చైతన్య కృష్ణ, మాయ నెల్లూరి, సాష సింగ్, దువ్వాసి మోహన్, వినయ్ నల్లకడి, డాక్టర్ వెంకట గోవాడ కీలక పాత్రలలో నటిస్తున్న సినిమా ‘కృష్ణ ఘట్టం’. సురేష్ పళ్ళ స్వీయ దర్శకత్వం వహిస్తున్న ఈ ‘కృష్ణ ఘట్టం’ సినిమాకి మూడి క్రాబ్ ఫిలిం ఫెస్టివల్ లో 2022 బెస్ట్ ఫీచర్ ఫిలిం అవార్డుతో సత్కరించారు. ఇక ఈ సినిమా ట్రైలర్ ను మాస్ హీరో విశ్వక్ సేన్ విడుదల చేశారు. ఇక ఈ రోజు కృష్ణాష్టమి పండుగ సందర్భంగా సినిమాలోని కృష్ణుడి పద్యాన్ని విడుదల చేసింది సినిమా యూనిట్. ఈ సందర్భంగా దర్శక నిర్మాత సురేష్ పల్లా మాట్లాడుతూ “కృష్ణాష్టమి పండుగ సందర్భంగా మా ‘కృష్ణ ఘట్టం’ చిత్రం నుంచి కృష్ణుడి పద్యాన్ని విడుదల చేయడం చాలా సంతోషంగా ఉందని, సర్వలోక రక్షకుడు అయిన కృష్ణుడిని ఎవరు ఎప్పుడు ఎలా పిలువగలరు అని ఓ భక్తుడు అడిగిన ప్రశ్నకి శ్రీ కృష్ణుడు ఇచ్చిన సమాధానమే ఈ పద్యం అని అన్నారు.

Sreeleela: ఇక ప్రతి పండక్కి శ్రీలీల కనపడాల్సిందే.. మామూలు రికార్డు కాదుగా ఇది!

ఈ అచ్చ తెలుగు పద్యం కృష్ణుడి భక్తులకు పండగలా ఉంటుందన్న ఆయన ఒక దశాబ్ద కాలంలో ఇలాంటి తెలుగు పద్య నాటకం మన తెలుగు సినిమాల్లో అయితే ఎన్నడూ రాలేదని అన్నారు. ఈ పద్యం కృష్ణాష్టమి పండుగ రోజు కృష్ణుడికి నైవేద్యం లాంటిదన్న ఆయన మా ఈ పద్యాన్ని 30 సంవత్సరాలుగా కృష్ణుడి వేషం వేస్తూ తెలుగు పద్యనాటకాలు చేస్తున్న గుమ్మడి గోపాలకృష్ణ విడుదల చేశారన్నారు. ఇక ఈ సినిమాను త్వరలోనే విడుదల చేస్తాం అని ఆయన అన్నారు.