సంతోష్ శోభన్ హీరోగా నటించిన ‘ఏక్ మినీ కథ’ మూవీకి ప్రముఖ దర్శకుడు మేర్లపాక గాంధీ కథ, కథనం అందించాడు. ఆ మూవీకి వీక్షకుల నుండి సూపర్ రెస్సాన్స్ రావడంతో ఇప్పుడు వీరిద్దరి కాంబినేషన్ లో మరో సినిమా మొదలైంది. ఈ మూవీకి మేర్లపాక గాంధీనే దర్శకత్వం వహిస్తున్నాడు. ‘శ్యామ్ సింగరాయ్’ మూవీని అందించిన వెంకట్ బోయనపల్లికి చెందిన నిహారిక ఎంటర్టైన్మెంట్స్తో కలిసి ఆముక్త క్రియేషన్స్ ఈ చిత్రాన్ని నిర్మిస్తోంది.
యూనిక్ కాన్సెప్ట్తో రూపొందుతున్నఈ లవ్ అండ్ ఎంటర్టైనర్లో సంతోష్ శోభన్ జోడిగా ‘జాతి రత్నాలు’ ఫేమ్ ఫరియా అబ్దుల్లా కథానాయికగా నటిస్తోంది. ఈ సినిమా షూటింగ్ చివరి దశలో ఉంది. తాజాగా ఫస్ట్లుక్ పోస్టర్ను విడుదల చేయడంతో పాటు, ఈ సినిమా టైటిల్ను కూడా ప్రకటించారు మేకర్స్. ఈ చిత్రానికి ‘లైక్, షేర్ అండ్ సబ్స్క్రైబ్’ అనే క్రేజీ టైటిల్ పెట్టారు. ఇవి యూ-ట్యూబ్ లో వీడియో కంటెంట్ను ప్రచారం చేయడానికి ఉపయోగించే సాధారణ పదాలు. ప్రతి పదాన్ని సూచించే చిహ్నాలతో టైటిల్ లోగో చాలా ఆసక్తికరంగా కనిపిస్తుంది. సంతోష్ శోభన్, ఫరియా అబ్దుల్లా, నెల్లూరు సుదర్శన్ అడవిలో, టాప్ యాంగిల్లో విచిత్రమైన ఎక్స్ప్రెషన్స్ ఇస్తూ చూస్తున్న ఫస్ట్ లుక్ పోస్టర్ చాలా ఇంట్రెస్టింగ్గా ఉంది. టైటిల్, ఫస్ట్లుక్ పోస్టర్ చూస్తుంటే సినిమా కథ చాలా విలక్షణంగా ఉండబోతోందని అర్ధమౌతోంది. ఈ చిత్రానికి ప్రవీణ్ లక్కరాజు సంగీతం అందిస్తుండగా, వసంత్ సినిమాటోగ్రాఫర్ గా, అవినాష్ కొల్లా ప్రొడక్షన్ డిజైనర్ గా పని చేస్తున్నారు.