‘పుష్ప’ చిత్రంతో భారీ విజయాన్ని అందుకుంది రష్మిక మందన్నా. ఈ సినిమా తరువాత వరుస అవకాశాలను అందుకుంటున్న ఈ ముద్దుగుమ్మ ఇటీవల ఇంట్లో పూజలు చేయించింది. అయితే ఈ పూజలకు కారణం ఏంటీ అనేది ప్రస్తుతం హాట్ టాపిక్ గా మారింది. చిత్ర పరిశ్రమలో వివాదాల స్వామిగా పేరుతెచ్చుకున్న వేణు స్వామి ఈ పూజలు చేయించినట్లు తెలుస్తోంది. వేణుస్వామి.. సమంత – నాగ చైతన్య విడాకులు అవుతాయని సంచలన వ్యాఖ్యలు చేసి హాట్ టాపిక్ గా మారిన సంగతి తెలిసిందే.
ఇక తాజాగా రష్మిక ఇంట్లో వేణుస్వామి ప్రత్యేక పూజలు నిర్వహించాడట. రష్మిక ప్రత్యేక పూజలు కెరీర్ కా.. లేక పెళ్లికా.. అన్నది మాత్రం తెలియాల్సి వుంది. ఈ విషయమై రష్మిక ఇప్పటివరకు నోరు మెదపకపోవడం ఆశ్చర్యం కలిగిస్తోంది. ఇక ఈ పూజల విషయం తెలుసుకున్న నెటిజన్స్ .. హిట్లు అందాలని పూజ చేస్తున్నావా .. అవకాశాలు రావాలని పూజ చేయిస్తున్నావా ..? అంటూ కామెంట్స్ పెడుతున్నారు.
