Hanuman Ansh: ‘హనుమాన్ అంశ్’ను 15 సార్లు చూసిన నీమ్ కరోలి బాబా కుమార్తె.. ప్రతిసారీ కన్నీళ్లే..
- Follow Us :
-
-
Add as a preferred
source on google
Hanuman Ansh: కేవలం రూ.2 కోట్ల బడ్జెట్తో తెరకెక్కిన ‘హనుమాన్ అంశ్’ (Hanuman Ansh). భక్తిరస చిత్రం బాక్సాఫీస్ వద్ద అనూహ్య విజయాన్ని అందుకుని ప్రపంచవ్యాప్తంగా రూ.329 కోట్లకు పైగా వసూళ్లు సాధించిన సంగతి తెలిసిందే. ఈ నేపథ్యంలో రీసెంట్ గా ఈ సినిమా గురించి నిర్మాత రాగిణి సోనా ఇంట్రెస్టింగ్ విషయాలను పంచుకున్నారు. ప్రముఖ ఆధ్యాత్మిక గురువు నీమ్ కరోలి బాబా కుమార్తె గిరిజా జీ, ప్రేమగా అమ్మాజీ అని పిలిచే ఆమె, ఈ సినిమాను ఏకంగా 15 సార్లు చూశారట. అంతేకాదు ప్రతిసారీ హనుమాన్ ఎపిసోడ్ చూసినప్పుడు కన్నీళ్లు పెట్టుకున్నారని రాగిణి తెలిపారు. గిరిజా జీ నీమ్ కరోలి బాబా కుమార్తె కావడంతో ఆయన భక్తుల్లో ఆమెకు ప్రత్యేకమైన పరిచయం ఉంది. ఆమెతో మాట్లాడటమే తమకు ఒక వరంగా భావించే భక్తులు చాలామంది ఉన్నారు. ఆమె ప్రశాంతమైన స్వభావంతో పాటు ఆశ్రమంలో వడ్డించే భోజనం కూడా బాబాను గుర్తు చేస్తుందని భక్తులు చెబుతుంటారు.
ఇలాంటి నేపథ్యంలో నీమ్ కరోలి బాబా జీవితానికి, ఆయన ఆధ్యాత్మిక ప్రభావానికి సంబంధించిన అంశాలతో రూపొందిన ‘హనుమాన్ అంశ్’ విడుదలకు ముందే చిత్ర బృందం గిరిజా జీని కలిసి ఆమె ఆశీస్సులు తీసుకోవాలని నిర్ణయించుకుంది. నిర్మాత రాగిణి సోనా చెప్పిన వివరాల ప్రకారం, దర్శకుడు విశాల్ చతుర్వేదితో కలిసి ఆమె గిరిజా జీని సంప్రదించారు. సినిమా గురించి మాట్లాడుతున్న సమయంలో రాగిణికి ఒక ఆసక్తికరమైన ప్రశ్న ఎదురైంది. నీమ్ కరోలి బాబాపై సినిమా చేయాలనే ఆలోచన తనకు ఎలా వచ్చిందని గిరిజా జీ అడిగారట. రాగిణి తనకు ఆరేళ్ల వయసులోనే బాబాను కలిసిన విషయాన్ని చెప్పడంతో పాటు, ఈ సినిమా కోసం విశాల్ చేసిన పరిశోధన గురించి కూడా వివరించారు.
Also Read
అయితే ఆ తర్వాత జరిగిన విషయం మాత్రం రాగిణిని ఆశ్చర్యపరిచిందని ఆమె తెలిపారు. తన కుటుంబానికి సంబంధించిన దాదాపు 50 ఏళ్ల క్రితం నాటి వివరాలు, ఆగ్రాలో ఉన్న తమ పాత ఇంటి లొకేషన్, తన అన్నయ్య పేరు వంటి విషయాలను గిరిజా జీ ముందుగానే ఎలాంటి సమాచారం లేకుండా చెప్పారని రాగిణి వెల్లడించారు. ఆ వివరాలు తనకు ఎలా తెలుసని అడిగినప్పుడు గిరిజా జీ చెప్పిన సమాధానం కూడా తనను ఆలోచనలో పడేసిందని ఆమె పేర్కొన్నారు. రా గిణి సోనా మాత్రం గిరిజా జీతో జరిగిన ఆ అనుభవాన్ని ఈ సినిమా ప్రయాణంలో చాలా ప్రత్యేకమైన సంఘటనగా గుర్తుచేసుకుంటున్నారు. ఈ సినిమా కథాంశంలో బాబా నడిపిన కైంచి ధామ్ ఆశ్రమానికి సంబంధించిన ఆధ్యాత్మిక ప్రాముఖ్యతను ఎంతో అద్భుతంగా చూపించడంతో బాబా భక్తులందరూ కూడా ఈ సినిమాకు థియేటర్లలో బ్రహ్మరథం పట్టారు. ప్రస్తుతం గిరిజా జీ ఈ సినిమాను 15 సార్లు చూసి ఎమోషనల్ అయ్యారనే వార్త సోషల్ మీడియాలో వైరల్ అవుతోంది.
- Tags
- cinema
- Hanuman Ansh
తాజావార్తలు
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
-
Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!