ఆసక్తిని రేకెత్తిస్తున్న ‘ఖిలాడీ’ టీజర్

మాస్ మహారాజ రవితేజ హీరోగా డైరెక్టర్ రమేష్ వర్మ ఈ చిత్రానికి దర్శకత్వంలో తెరకెక్కుతున్న యాక్షన్ థ్రిల్లర్ మూవీ “ఖిలాడీ”. రవితేజ సరసన మీనాక్షి చౌదరి, డింపుల్ హయాతి హీరోయిన్లుగా నటిస్తున్నారు. తాజాగా ఈ చిత్రం నుంచి టీజర్ ను విడుదల చేశారు మేకర్స్. 1 నిమిషం 20 సెకన్ల నిడివి ఉన్న ఈ టీజర్లోని సన్నివేశాలు సినిమాపై ఆసక్తిని రేకెత్తిస్తున్నాయి. ‘ఇఫ్ యూ ప్లే స్మార్ట్ విత్ అవుట్ స్టుపిడ్ ఎమోషన్స్… యూ ఆర్ అన్ స్టాపబుల్’ అంటూ రవితేజ చెప్పిన డైలాగ్ ఆకట్టుకుంటోంది. ఇక టీజర్ చివర్లో వచ్చిన ట్విస్ట్ థ్రిల్ చేస్తోంది. రవితేజ ఒక అమ్మాయిని చంపడం చూస్తుంటే ఇందులో కిల్లర్ గా కన్పించబోతున్నాడా ? అనే అనుమానం వస్తోంది. ఇక దేవిశ్రీ ప్రసాద్ అందించిన బ్యాక్ గ్రౌండ్ మ్యూజిక్ అదిరిపోయింది. మీరు కూడా ‘ఖిలాడీ’ టీజర్ ను వీక్షించండి.

ఏ స్టూడియోస్, పెన్ స్టూడియోస్ పతాకాలపై సత్యనారాయణ కోనేరు నిర్మిస్తున్నారు. జయంతిలాల్ సమర్పణలో రూపొందుతున్న ఈ చిత్రంలో రవితేజ ద్విపాత్రాభినయం చేయనున్నారు. దేవిశ్రీ ప్రసాద్ సంగీతం అందిస్తున్నారు. ఇప్పటికే ఈ చిత్రం నుంచి విడుదలైన ‘ఖిలాడీ’ ఫస్ట్ లుక్, ఫస్ట్ గ్లింప్స్ భారీ హైప్ క్రియేట్ చేయగా… టీజర్ సినిమాపై ఆసక్తిని రేకెత్తిస్తోంది. రవితేజకు ఇది 67వ చిత్రం. రమేష్ వర్మ ‘రాక్షసుడు’ చిత్రంతో బ్లాక్ బస్టర్ హిట్ అందుకున్న విషయం తెలిసిందే.