NP50 : నివిన్ పౌలి 50 ‘విజయం’.. ప్రేమమ్ కాంబో ఎలాంటి మ్యాజిక్ చేస్తుందో

మలయాళ చిత్రసీమలోనే కాకుండా సౌత్ ఇండియా మొత్తాన్ని ఒక ఊపు ఊపేసిన ఇండస్ట్రీ హిట్ ‘ప్రేమమ్’. ఆల్‌టైమ్ బ్లాక్‌బస్టర్  గా నిలిచిన ఆ సినిమా తర్వాత స్టార్ హీరో నివిన్ పౌలి, డైరెక్టర్ అల్ఫోన్స్ పుత్రేన్ కాంబినేషన్‌లో మరో ప్రాజెక్ట్ ఎప్పుడు వస్తుందా ఎంతో కాలంగా ఎదురుచూస్తున్నారు. తాజాగా వీరిద్దరి కాంబోలో రాబోతున్న క్రేజీ మైల్‌స్టోన్ ప్రాజెక్ట్ ‘NP50’  గురించిన అఫీషియల్ టైటిల్ అనౌన్స్‌మెంట్ వచ్చేసింది.

ఈ మోస్ట్ అవేటెడ్ మూవీకి ‘విజయం‘ అనే పవర్‌ఫుల్ టైటిల్‌ను ఖరారు చేస్తూ కాన్సెప్ట్ గ్లిమ్స్ వీడీయో రిలీజ్ చేసారు. గ్లిమ్స్ చుస్తే ఈ సినిమా రేసింగ్ బ్యాక్డ్రాప్ లో తెరకెక్కనున్నట్టు తెలుస్తోంది. ఈ టైటిల్ అనౌన్స్‌మెంట్‌తోనే సినిమాపై అంచనాలు ఒక్కసారిగా పెరిగిపోయాయి. ‘ప్రేమమ్’ లాంటి క్లాసిక్ లవ్ అండ్ ఎమోషనల్ డ్రామా తర్వాత ఈ ఇద్దరి క్రేజీ కాంబినేషన్ మళ్లీ సెట్స్ పైకి రానుండటంతో మాలీవుడ్‌తో పాటు సౌత్ సినీ వర్గాల్లో ఈ ప్రాజెక్ట్ హాట్ టాపిక్‌గా మారింది. అల్ఫోన్స్ పుత్రేన్ తనదైన విలక్షణమైన టేకింగ్, మేకింగ్ స్టైల్‌తో నివిన్ పౌలి 50వ చిత్రాన్ని మరింత స్పెషల్‌గా తెరకెక్కించబోతున్నట్లు తెలుస్తోంది. భారీ అంచనాలున్న ఈ సినిమాకు స్టీవ్ కోతూర్ సంగీతం అందిస్తుండగా షినోజ్ డీఓపీగా వ్యవహరిస్తున్నాడు. నివిన్ పౌలి ఈ సినిమాను స్వయంగా నటిస్తూ నిర్మిస్తుండడం విశేషం.