Manchu Manoj : మైక్ వద్దు.. హెల్మెట్ పెట్టుకుని వెళ్లండి! మంచు ఫ్యామిలీ వివాదంపై మనోజ్ సెన్సేషనల్ కామెంట్స్

మంచు ఫ్యామిలీలో వివాదాలు ఇంకా సద్దుమణగలేదా? అన్నదమ్ముల మధ్య గ్యాప్ ఇంకా అలాగే ఉందా? అంటే అవుననే సమాధానం వినిపిస్తోంది. తాజాగా మంచు మనోజ్ చేసిన కొన్ని కామెంట్స్ ఇప్పుడు సోషల్ మీడియాలో హాట్ టాపిక్ గా మారాయి. తన ప్రీ-బర్త్ డే వేడుకల్లో భాగంగా మీడియాతో ముచ్చటించిన మనోజ్.. తనదైన శైలిలో సెటైరికల్ గా వేసిన పంచులకు విలేకరులు సైతం ఒక్కసారిగా అవాక్కయ్యారు. తన పుట్టినరోజు సందర్భంగా మంచు మనోజ్ మీడియాతో సరదాగా ఇంటరాక్ట్ అయ్యారు. ఈ క్రమంలో ఒక రిపోర్టర్.. “మీ ఫ్యామిలీ ఇష్యూస్ క్లియర్ అయినట్టేనా?” అని అడిగారు. దీనికి మనోజ్ ఏమాత్రం తడుముకోకుండా ఊహించని రేంజ్ లో రిప్లై ఇచ్చారు. “ఆ విషయం గురించి ఎవరిని అడగాలో మీకు తెలుసుగా? వెళ్లి వారిని అడగండి. కాకపోతే నాదొక చిన్న సలహా.. వెళ్లేటప్పుడు చేతిలో మైక్ పట్టుకుని వెళ్లొద్దు, సేఫ్టీ కోసం తలకి హెల్మెట్ పెట్టుకుని మరీ వెళ్లండి” అంటూ నవ్వుతూనే సెన్సేషనల్ బాంబ్ పేల్చారు.

మనోజ్ చేసిన ఈ ‘హెల్మెట్’ కామెంట్స్ ఇప్పుడు నెట్టింట వైరల్ గా మారాయి. ఈ కౌంటర్ పరోక్షంగా తన అన్నయ్య మంచు విష్ణుని ఉద్దేశించే అన్న విషయం అందరికీ అర్థమవుతోంది. గతంలో మంచు విష్ణు vs మంచు మనోజ్ ఇష్యూ ఎంత సంచలనం సృష్టించిందో ప్రత్యేకంగా చెప్పాల్సిన పనే లేదు. మనోజ్ ఇలా పరోక్షంగా సెటైర్లు వేయడం చూస్తుంటే మంచు బ్రదర్స్ మధ్య ఇంకా ‘కోల్డ్ వార్’ నడుస్తూనే ఉందని స్పష్టమవుతోంది. ఏది ఏమైనా, ఎలాంటి ఫిల్టర్ లేకుండా తనదైన స్టైల్ లో సింపుల్ గా నవ్వుతూ మనోజ్ వేసిన ఈ ‘హెల్మెట్’ సెటైర్ ఇప్పుడు ఇండస్ట్రీ వర్గాల్లో విపరీతంగా చక్కర్లు కొడుతోంది. విలేకరులకు మైక్ బదులు హెల్మెట్ ఎందుకు సజెస్ట్ చేశాడో నెటిజన్లకు ఇట్టే అర్థమైపోవడం గమనార్హం.