“మేజర్” రాకకు రూట్ క్లియర్

కరోనా పరిస్థితులు నెమ్మదిగా కుదుట పడుతుండడంతో వాయిదా పడిన సినిమాలన్నీ మళ్లీ విడుదలకు సిద్ధమవుతున్నాయి. ఇప్పటికే పలు సినిమాల రిలీజ్ డేట్లు ప్రకటించగా తాజాగా అడివి శేష్ హీరోగా నటిస్తున్న ‘మేజర్’ సినిమాకు సంబంధించిన రిలీజ్ డేట్ ప్రకటించారు ఆ సినిమా మేకర్స్. 26/11 ఎటాక్ లో భారత దేశం కోసం ప్రాణాలు అర్పించిన కేరళకు చెందిన మేజర్ సందీప్ ఉన్నికృష్ణన్ జీవిత కథతో ఈ సినిమా రూపొందుతోంది. ‘గూఢచారి’ దర్శకుడు శశికిరణ్ తిక్క ఈ సినిమాకి దర్శకత్వం వహిస్తున్నారు. మహేష్ బాబుకు చెందిన జిఎంబి ఎంటర్టైన్మెంట్స్, సోనీ పిక్చర్స్, A + S మూవీస్ సంస్థలు ఈ సినిమాని నిర్మించాయి.

Read Also : “మేజర్” రాకకు రూట్ క్లియర్

ఈ సినిమాను మార్చి 27వ తేదీన విడుదల చేస్తున్నామని తాజాగా మేకర్స్ ప్రకటించారు. తెలుగు, హిందీ, మలయాళ భాషల్లో సినిమాను విడుదల చేస్తున్నట్లు అధికారికంగా ఒక పోస్టర్ విడుదల చేశారు. క్షణం, గూఢచారి లాంటి సినిమాలతో హిట్స్ అందుకున్న అడవి శేష్ ఈ సినిమాతో కూడా హిట్ కొడతానని చాలా నమ్మకంగా ఉన్నారు. మరి చూడాలి అది ఎంతవరకు నిజం అవుతుందనేది. మొదటి పాట ‘హృదయమా’ సంగీత ప్రియుల నుండి మంచి ఆదరణ పొందింది. ఈ చిత్రం ఇప్పటికే పాజిటివ్ బజ్‌ను కలిగి ఉంది. అడివి శేష్ సరసన సాయి మంజ్రేకర్ కథానాయికగా నటించగా, శోభితా ధూళిపాళ ఈ సినిమాలో ఒక ముఖ్యమైన పాత్రలో కనిపించనుంది.