బాలయ్యతో మహేష్… ‘అన్‌స్టాపబుల్‌’ ఫన్ స్టార్ట్

తెలుగు సూపర్ స్టార్ మహేష్ బాబు, నందమూరి బాలకృష్ణతో కలిసి సందడి చేయబోతున్నాడు. ఇటీవల ప్రారంభించిన ఓటిటిలో బాలయ్యతో కలిసి మహేష్ కన్పించబోతున్నాడనే ప్రచారం జోరుగా సాగుతోంది. పాపులర్ టాక్ షో ‘అన్‌స్టాపబుల్’లో మహేష్ అతిథిగా కనిపించనున్నాడు. ఈ రోజు (డిసెంబర్ 4) టాక్ షో కోసం మహేష్ బాబు, బాలయ్య ఎపిసోడ్ ను షూట్ చేస్తారని షో సన్నిహిత వర్గాల సమాచారం. బాలకృష్ణ, మహేష్ బాబు కలిసి ఓ టాక్ షోలో కనిపించడం ఇదే తొలిసారి. మరి వీరిద్దరి మధ్య ఫన్ ఎలా ఉండబోతోంది అనే విషయం ఆసక్తికరంగా మారింది. బాలకృష్ణతో మృదుభాషి అయిన మహేష్ ఇంటరాక్షన్ ఎలా ఉంటుందో చూడాలి.

Read Also : ‘ఆర్ఆర్ఆర్’, ‘రాధేశ్యామ్’ అంటే ‘భీమ్లా నాయక్’కి భయం లేదట!

“అన్‌స్టాపబుల్” షోతో బాలకృష్ణ హోస్ట్‌గానే కాకుండా ఓటిటి అరంగేట్రం కూడా చేశాడు. తెలుగు ఓటిటి ‘ఆహా’లో ఈషో ప్రారంభమైనప్పటి నుండి వరుసగా సెలెబ్రిటీలతో బాలయ్య చేస్తున్న సందడి చర్చనీయాంశం అవుతోంది. మొదటి ఎపిసోడ్ లో మోహన్ బాబు, మంచు విష్ణు, మంచు లక్ష్మి, రెండవ ఎపిసోడ్ లో నాని, మూడవ ఎపిసోడ్ లో బ్రహ్మానందం, అనిల్ రావిపూడి కన్పించారు. కాగా బాలయ్య, బోయపాటి కాంబోలో వచ్చిన “అఖండ” చిత్రంతో మాస్ జాతర జరుపుకుంటున్నారు ఆయన అభిమానులు.