Custody: ‘రేవతి’గా మారిన బేబమ్మ… కటకటాల వెనక్కి ఎందుకు వెళ్లింది?

ఉప్పెన సినిమాతో టాలీవుడ్ లోకి హీరోయిన్ గా సాలిడ్ ఎంట్రీ ఇచ్చిన కృతి శెట్టి. క్యూట్ లుక్స్ తో పాటు మంచి యాక్టింగ్ స్కిల్స్ కూడా ఉండడంతో మొదటి సినిమాతోనే సినీ అభిమానులు బేబమ్మకి కనెక్ట్ అయ్యారు. డెబ్యు మూవీ సూపర్ హిట్ అవ్వడంతో తెలుగు, తమిళ దర్శక నిర్మాతలు కృతి శెట్టి డేట్స్ కోసం ఎగబడ్డారు. కృతి శెట్టి కూడా బ్యాక్ టు బ్యాక్ సినిమాలు చేసింది కానీ ఈ తొందరలో కథ విషయంలో జాగ్రత్తలు తీసుకోవడం మర్చిపోయింది. దీంతో ఎంత త్వరగా పేరొచ్చిందో రాంగ్ డెసిషన్స్ తో కృతి శెట్టి అంతే త్వరగా తన కెరీర్ ని కష్టాల్లో పడేసుకునే స్టేజ్ కి వెళ్లింది. ప్రస్తుతం కృతి శెట్టి చేతిలో ఉన్న సినిమాల్లో హిట్ అయ్యే ఛాన్స్ కాస్త ఎక్కువగా ఉన్న సినిమా ‘కస్టడీ’.

తమిళ క్రియేటివ్ దర్శకుడు ‘వెంకట్ ప్రభు’ తెరకెక్కిస్తున్న ఈ మూవీలో యువసామ్రాట్ అక్కినేని నాగ చైతన్య హీరోగా నటిస్తున్నాడు. కృతి శెట్టి ‘రేవతి’గా నటిస్తున్న ఈ మూవీలో తన ఫస్ట్ లుక్ పోస్టర్ బయటకి వచ్చింది. జైల్లో కటకటాల వెనక కృతి శెట్టి నిలబడి ఉన్నట్లు డిజైన్ చేసిన పోస్టర్ ఆకట్టుకుంది. కృతి శెట్టికే కాదు నాగ చైతన్యకి కూడా కస్టడీ సినిమా హిట్ అవ్వడం చాలా ఇంపార్టెంట్. 2022ని నాగ చైతన్య ఫ్లాప్ తో ఎండ్ చేశాడు. మళ్లీ హిట్ ట్రాక్ ఎక్కాలి అంటే కస్టడీ సినిమాతో సాలిడ్ హిట్ కొట్టాల్సిందే. ఈ మూవీ మే 12న ఆడియన్స్ ముందుకి రానుంది. బంగార్రాజు సినిమాతో హిట్ ఇచ్చిన నాగ చైతన్య, కృతి శెట్టిలు కలిసి నటిస్తున్నారు కాబట్టి కస్టడీ సినిమా కూడా హిట్ అయితే ఈ హీరో-హీరోయిన్ ని హిట్ పెయిర్ అయిపోతారు.

Introducing our Charming and Gorgeous @IamKrithiShetty as the Resilient #Revathi🔥 from #Custody ❤️‍🔥

A @vp_offl HUNT💥#CustodyOnMay12@chay_akkineni @thearvindswami @ilaiyaraaja @thisisysr @srinivasaaoffl @realsarathkumar #Priyamani #SampathRaj @SS_Screens @jungleemusicSTH pic.twitter.com/5N96cMCshc

— Srinivasaa Silver Screen (@SS_Screens) January 18, 2023