Krithi Shetty : బేబమ్మ లక్ మామూలుగా లేదు… పవన్ సినిమాలో ఛాన్స్

‘ఉప్పెన’ బ్యూటీ కృతి శెట్టి టాలీవుడ్‌లో అత్యంత బిజీగా ఉన్న నటీమణులలో ఒకరు. ఆమెకు ప్రస్తుతం చేతిలో అర డజను సినిమాలు ఉన్నాయి. మొదటి సినిమా మొదలుకొని ఆమె నటించిన అన్ని సినిమాలూ దాదాపు హిట్ గానే నిలిచాయి. దీంతో ఈ అమ్మడికి ఆవేశాలు వెల్లువలా వచ్చి పడుతున్నాయి. అయితే కృతి కూడా సెలెక్టివ్ గానే సినిమాలను ఎంచుకుంటూ ముందుకు సాగుతోంది. ఇప్పటికే పలువురు స్టార్ హీరోలతో జత కట్టిన ఈ బ్యూటీ ఇప్పుడు ఏకంగా పవన్ కళ్యాణ్ సినిమాలో నటించే ఛాన్స్ ను కొట్టేసింది. “వినోదయ సీతమ్‌” అనే తమిళ సినిమాను తెలుగులో రీమేక్ చేస్తున్న విషయం తెలిసిందే. సముద్రకని దర్శకత్వం వహిస్తున్న ఈ సినిమాలో పవన్, సాయి తేజ్ ప్రధాన పాత్రల్లో నటించనున్నట్టుగా టాక్ నడుస్తోంది.

Read Also : RRR : రికార్డు బ్రేకింగ్ ప్రీ సేల్స్… యూఎస్ లో నందమూరి ఫ్యాన్స్ రచ్చ

ఇక ఇప్పుడు ఈ సినిమాలో సాయి తేజ్ సరసన నటించడానికి కృతిశెట్టిని సంప్రదించారట మేకర్స్. కృతి శెట్టితో చర్చలు చివరి దశలో ఉన్నాయని, ఆమె ఓకే చెప్పే ఛాన్స్ ఉందని అంటున్నారు. ఈ సినిమా షూటింగ్ ను మొత్తం రెండు షెడ్యూల్స్‌లో 40 రోజుల్లో పూర్తి చేసేందుకు మేకర్స్ ప్లాన్ చేస్తున్నారు. పవన్ తన భాగాన్ని పూర్తి చేయడానికి ఈ సినిమాకు 21 రోజుల కాల్ షీట్స్ ఇచ్చాడు. ఏప్రిల్‌లో సినిమాను ప్రారంభించి రెగ్యులర్ షూటింగ్ జరుపుకోనున్నారు. జీ స్టూడియోస్, పీపుల్ మీడియా ఫ్యాక్టరీ, పవన్ కళ్యాణ్ క్రియేటివ్ వర్క్స్ ఈ చిత్రాన్ని నిర్మించనున్నాయి. పవన్ కళ్యాణ్ కూడా ఏప్రిల్‌ లో “హరిహర వీర మల్లు” షూటింగ్‌ని పునఃప్రారంభించనున్నారు. ఈ ఏడాది దసరా సందర్భంగా సినిమాను విడుదల చేయాలని భావిస్తున్నారు. త్వరలోనే సినిమా గురించి అధికారిక ప్రకటన రానుందని అంటున్నారు.