బాలీవుడ్ ప్రేమ జంట కత్రినా కైఫ్ – విక్కీ కౌశల్ వివాహం ఎట్టకేలకు నేడు అంగరంగ వైభవంగా జరుగుతోంది. రాజస్థాన్లోని సిక్స్ సెన్సెస్ ఫోర్ట్లో గ్రాండ్ గా జరుగుతున్నా ఈ పెళ్ళికి అతికొద్దిమంది అతిరధమహారథులు హాజరయ్యారు. ఇండస్ట్రీలో ఎక్కువమందిని ఈ జంట పిలవలేదన్న సంగతి తెలిసిందే . అయితే ఈ పెళ్లి కోసం కత్రినా జంట ఎంత ఖర్చుపెట్టింది అనేది ప్రస్తుతం అభిమానులందర్నీ తోసులుస్తున్న ప్రశ్న.. రాజస్థాన్లోని సిక్స్ సెన్సెస్ ఫోర్ట్ అంటే మాటలు కాదు ఒక్కో గది అద్దె ఒక్క రాత్రికి లక్ష వరకు ఉంటుందంట.. అయితే ఈ వివాహ వేదికకు కత్రినా జంట ఒక్క రూపాయి కూడా చెల్లించలేదట.. కరోనా తరువాత ఇప్పుడిప్పుడే వివాహాలు గ్రాండ్ గా జరుగుతున్నాయి.. ఈ నేపథ్యంలోనే సిక్స్ సెన్సెస్ ఫోర్ట్ యజమాన్యం కూడా కత్రినా పెళ్లిని ఒక ప్రమోషన్ కింద వాడుకుంటున్నారట .. అందుకే వారి పెళ్ళికి ఒక్క రూపాయి కూడా తీసుకోలేదని సమాచారం.
ఇక వివాహవేడుక కోసం చేసిన ఖర్చులో 75శాతం కత్రినా కైఫే భరించిందట. అతిధులను పిలవడం దగ్గరనుంచి వారి భోజనాల ఏర్పాట్లు, ఆతిథ్యం, ప్రయాణాలు, భద్రత ఏర్పాట్లు అన్ని కత్రినానే భరిస్తున్నదట .. ఈ వివాహ వేడుక కోసం విక్కీ ఒక్క రూపాయి కూడా ఖర్చుపెట్టలేదని సమాచారం.. దీంతో నెటిజన్స్ మరోసారి కత్రినా ప్రేమను చాటిచెప్తున్నారు. ఎంత ప్రేమ ఉంటే మాత్రం ఇంతలా పెళ్లి ఖర్చు మొత్తం భరించాలా..? అని నోళ్లు నొక్కుకుంటున్నారు. మరి ఇందులో నిజమెంత ఉందో తెలియాలంటే ఈ జంట నోరు విప్పాల్సిందే.
