Katrina Kaif: బాలీవుడ్ కండల వీరుడు సల్మాన్ ఖాన్, కత్రీనా కైఫ్ జంటగా మనీష్ శ‌ర్మ ద‌ర్శ‌క‌త్వం వహించిన చిత్రం టైగర్ 3. య‌ష్ రాజ్ ఫిలిమ్స్ బ్యాన‌ర్‌పై ఈ మూవీని ఆదిత్య చోప్రా నిర్మించాడు. ఇప్పటికే ఈ సినిమా నుంచి రిలీజైన పోస్టర్స్, టీజర్, ట్రైలర్ ప్రేక్షకులను విశేషంగా ఆకట్టుకున్నాయి. ముఖ్యంగా ట్రైలర్ లో కత్రీనా టవల్ ఫైట్ ఏ రేంజ్ లో సెన్సేషన్ సృష్టించిందో ప్రత్యేకంగా చెప్పాల్సిన అవసరం లేదు. ఈ ఫైట్ సీన్ తో సినిమాపై ఓ రేంజ్ లో హైప్ క్రియేట్ అయ్యింది.ఈ చిత్రం దీపావ‌ళి సంద‌ర్భంగా న‌వంబ‌ర్ 12న హిందీ, తెలుగు, త‌మిళ భాష‌ల్లో ప్ర‌పంచ వ్యాప్తంగా గ్రాండ్ రిలీజ్ అవుతుంది.రిలీజ్ డేట్ దగ్గరపడుతుండడంతో వరుస ప్రమోషన్స్ లో పాల్గొంటున్న కత్రీనా వరుస ఇంటర్వ్యూలు ఇస్తూ సినిమాకు సంబంధించిన ఆసక్తికరమైన విషయాలను పంచుకుంది. ఇక ఈ ఫైట్ గురించి కత్రీనా ఒక ఇంటర్వ్యూలో చెప్పుకొచ్చింది.
Thug Life: దింపు.. దింపు.. టాలీవుడ్, బాలీవుడ్ ను కూడా దింపు
క‌త్రినా కైఫ్ మాట్లాడుతూ “అంద‌రూ మెచ్చుకునేలా రిస్క్‌తో కూడిన యాక్ష‌న్ స‌న్నివేశాల్లో న‌టించ‌టాన్ని నేనెంతో ఇష్ట‌ప‌డి క‌ష్ట‌ప‌డి చేశాను. టైగర్ ఫ్రాంచైజీ చిత్రాల్లో నాకు మ‌ర‌చిపోలేని గొప్ప అనుభూతులున్నాయి. ఓ యాక్ష‌న్ హీరోయిన్‌గా అవి న‌న్నెంతో గొప్ప‌గా ఆవిష్క‌రించాయి. ఈ ఫ్రాంచైజీలో జోయా అనే స్పైగా న‌టించారు. జోయా ఓ ఫైట‌ర్‌గా ఇందులో క‌నిపిస్తుంది. టైగ‌ర్‌లాగానే ఆమె ఎవ‌రినైనా ఎదిరించ‌ట‌మే కాదు, తుది వ‌ర‌కు నిల‌బ‌డి పోరాడుతుంది. అందుకనే ఆ పాత్ర‌లో న‌టించ‌టానికి నేనెప్పుడూ ఎగ్జ‌యిట్ అవుతుంటాను. ఈ పాత్రను పురుషుల‌తో స‌మానంగా పోరాడే ఓ మ‌హిళ‌ను ఆడియెన్స్ చూస్తారు. ఇక హమామ్‌లో చిత్రీక‌రించిన టవల్ ఫైట్ ఇంట‌ర్నెట్‌లో ఎంతో వైరల్ అయ్యింది. అయితే ఆఫైట్‌ను ఎంతో క‌ష్ట‌ప‌డి చిత్ర‌క‌రించాం. ఎందుకంటే ఆవిరుల‌తో నిండిన గదిలో పోటాపోటీగా సాగే ఫైట్ ఇది. దీన్ని గ్రిప్పింగ్ కిక్స్‌, పంచ్‌ల‌తో చేయ‌టం ఎంతో క‌ష్టంతో కూడుకున్నది.
Salaar: సలార్ మరోసారి వాయిదా.. మాస్ మహారాజాకు కలిసొచ్చేలా ఉందే.. ?
ఇద్ద‌రు మ‌హిళ‌లు ఇలా నువ్వా నేనా అనేంత‌గా పోరాడే ఫైట్ సీన్ ఇప్ప‌టి వ‌ర‌కు ఇండియ‌న్ సిల్వ‌ర్ స్క్రీన్‌పై రాలేదు. ఇలాంటి ఆలోచ‌న చేసిన ఆదికి ధ‌న్య‌వాదాలు. డైరెక్ట‌ర్ మనీష్, యాక్ష‌న్ టీమ్ ఈ ఫైట్ సీన్‌ను ప్లానింగ్‌తో చిత్రీక‌రించిన విధానానికి హ్యాట్సాఫ్. ఇదొక టీమ్ ఎఫ్ట‌ర్‌. చూసే వారంద‌రికీ న‌చ్చుతుంది. ఇందులో టవల్ ఫైట్‌లోనాతో మిచెల్ లీ న‌టించారు. మా మ‌ధ్య జ‌రిగే ఈ ఫైట్ సీన్ మెప్పిస్తుంద‌ని నేను భావిస్తున్నాను. ఇప్ప‌టి వ‌ర‌కు చాలా మంది మ‌హిళ‌లు ఇండియ‌న్ సిల్వ‌ర్ స్క్రీన్‌పై యాక్ష‌న్ సీక్వెన్స్‌లో న‌టించారు. అయితే వాటిలో కొన్ని మాత్ర‌మే బెస్ట్‌గా నిలిచాయి. అలాంటి బెస్ట్ ఫైట్స్‌లో ఇదొక‌టిగా నిలుస్తుంది. దీనికి ప్రేక్ష‌కులు ఎలా స్పందిస్తారో చూడాల‌ని నేను ఆతృత‌గా ఎదురు చూస్తున్నాను” అని చెప్పుకొచ్చింది. ప్రస్తుతం ఈ వ్యాఖ్యలు నెట్టింట వైరల్ గా మారాయి.