Kamal Haasan Indian 2: లోకనాయకుడు కమల్ హాసన్ అభిమానులకు శుభవార్త అందింది. పలు కారణాల వల్ల నిలిచిపోయిన ఇండియన్ 2 మూవీ షూటింగ్ను మళ్లీ ప్రారంభించినట్లు మంగళవారం నాడు చిత్ర బృందం వెల్లడించింది. శంకర్ దర్శకత్వంలో వచ్చిన భారతీయుడు సినిమాకు ఈ మూవీ సీక్వెల్గా తెరకెక్కుతోంది. ఇప్పటికే ఈ సినిమా షూటింగ్ కొంత భాగం పూర్తయింది. అయితే కరోనా పరిస్థితులు, షూటింగ్లో ప్రమాదం, దర్శక నిర్మాతల మధ్య విభేదాలతో చిత్రీకరణ మధ్యలోనే ఆగిపోయింది. విక్రమ్ సినిమా సూపర్ డూపర్ హిట్ కావడంతో ఇండియన్ 2 సినిమా షూటింగ్ను త్వరలోనే ప్రారంభిస్తామని ఇటీవల కమల్హాసన్ ప్రకటించారు. ఆయన చెప్పినట్లుగానే తాజాగా ఈ మూవీ షూటింగ్ మళ్లీ ప్రారంభమైంది. బుధవారం నుంచి షూటింగ్ మొదలు కానున్నట్లు తెలుస్తోంది.
Read Also: Alia Bhatt: ఇష్టం లేకపోతే నన్ను చూడకండి.. స్టార్ హీరోయిన్ ఘాటు వ్యాఖ్యలు
లైకా ప్రొడక్షన్స్ బ్యానర్, రెడ్ జెయింట్ మూవీస్ సంయుక్తంగా ఇండియన్ 2 సినిమాను నిర్మిస్తున్నాయి. తమిళనాడు సీఎం స్టాలిన్ కుమారుడు ఉదయనిధి స్టాలిన్ ఈ మూవీకి సమర్పకుడిగా వ్యవహరిస్తున్నారు. మూడేళ్ల క్రితం ప్రారంభమైన ఈ సినిమా కొన్ని నెలల పాటు షూటింగ్ కూడా జరిగింది. అయితే ఈ సినిమా సెట్లో ప్రమాదం జరగడం, డైరెక్టర్ శంకర్, నిర్మాణ సంస్థ లైకా ప్రొడక్షన్స్తో విభేదాలు రావడంతో ఈ సినిమా షూటింగ్ తాత్కాలికంగా వాయిదా పడింది. కాజల్ అగర్వాల్, రకుల్ ప్రీత్ సింగ్ హీరోయిన్లుగా నటిస్తున్నారు. హీరో సిద్ధార్థ్ ఈ చిత్రంలో కీలక పాత్ర పోషిస్తున్నాడు. బాబీ సింహ, ప్రియా భవానీ శంకర్ ముఖ్య పాత్రల్లో నటిస్తున్నారు. తమిళ యువ సంచలనం అనిరుధ్ ఇండియన్ 2 సినిమాకు సంగీతం సమకూరుస్తున్నాడు. భారతీయుడు-2గా తెలుగులో ఈ చిత్రం విడుదల కానుంది.
#INDIAN2@ikamalhaasan @shankarshanmugh @LycaProductions @RedGiantMovies_ @anirudhofficial #Siddharth @MsKajalAggarwal @Rakulpreet @priya_Bshankar #BobbySimha @dop_ravivarman @sreekar_prasad @muthurajthangvl @PeterHeinOffl #ANLArasu #RamazanBulut @jeyamohanwriter pic.twitter.com/SMV6Wl00Zr
— Udhay (@Udhaystalin) August 23, 2022
