మ్యాన్ ఆఫ్ మాసెస్ ఎన్టీఆర్ బర్త్డే కానుకగా ‘డ్రాగన్’ ఫస్ట్ గ్లింప్స్ రిలీజ్ అవుతున్న సంగతి తెలిసిందే. అయితే, ఈ భారీ యాక్షన్ ఎంటర్టైనర్ గ్లిమ్స్ వీడియో ఏకంగా నాలుగు నిమిషాల 35 సెకండ్ల లెన్త్ (రన్ టైం)తో రాబోతోంది. సాధారణంగా ఒక సినిమా ట్రైలర్ కూడా ఈ నిడివితో ఉండదు. కానీ, కేవలం గ్లిమ్స్ కోసమే ప్రశాంత్ నీల్ ఈ రేంజ్ రన్ టైం ప్లాన్ చేయడం ట్రేడ్ వర్గాలతో పాటు ప్రేక్షకులను సైతం ఆశ్చర్యపరుస్తోంది. దీనికి కారణం ‘సలార్’ సినిమా అనే టాక్ గట్టిగా వినిపిస్తోంది. అప్పట్లో సలార్ గ్లిమ్స్ సెన్సేషన్ క్రియేట్ చేసినప్పటికీ, సినిమా విడుదలయ్యాక అందులోని పాత్రలు, తెగలు ఎక్కువగా ఉండడం వల్ల ప్రేక్షకులు కొంత గందరగోళానికి గురయ్యారు. అందుకే ఇప్పుడు డ్రాగన్ విషయంలో ప్రశాంత్ నీల్ మాస్టర్ ప్లాన్ వేసినట్లు తెలుస్తోంది.
లెంతీ గ్లిమ్స్ ద్వారా తను సృష్టించిన డ్రాగన్ ప్రపంచాన్ని, అందులోని పాత్రలను ముందే ప్రేక్షకులకు పరిచయం చేస్తున్నట్లుగా అర్థమవుతోంది. ఇలా చేయడం వల్ల సినిమా కథపై ఆడియన్స్ ముందే ఓ అంచనాకు వచ్చేస్తారు; కథలో కన్ఫ్యూజన్ ఉండదు. పైగా, ఎన్టీఆర్ ఈ సినిమా కోసం బాగా బరువు తగ్గడంతో ఆయన స్క్రీన్ ప్రెసెన్స్ మరియు లుక్ పై అభిమానుల్లో కొంత అనుమానాలు ఉన్నాయి. అది కూడా ఈ గ్లిమ్స్ ద్వారా క్లియర్ కానుంది. మొత్తంగా డ్రాగన్ పై ఉన్న డౌట్స్ అన్నిటికీ చెక్ పెట్టేలా ప్లాన్ చేస్తున్నాడు ప్రశాంత్ నీల్. ఏదేమైనా ఈ గ్లిమ్స్ మాత్రం సోషల్ మీడియాను షేక్ చేయడం గ్యారెంటీ. మరి ప్రశాంత్ నీల్ ఈసారి ఎలాంటి వరల్డ్ ని క్రియేట్ చేస్తాడో చూడాలి.