JR NTR : జూనియర్ ఎన్టీఆర్ తో బడా డైరెక్టర్ల ఫొటో.. ఎక్కడ కలిశారంటే..?

JR NTR : జూనియర్ ఎన్టీఆర్ ఈ నడుమ పార్టీలు, ఫంక్షన్లకు బాగానే వెళ్తున్నాడు. మరీ ముఖ్యంగా తనతో పనిచేసిన డైరెక్టర్లతో తిరుగుతూ బాగానే సందడి చేస్తున్నాడు. మిగతా హీరోలతో పోలిస్తే ఈ విషయంలో ఎన్టీఆర్ ముందు వరుసలో ఉంటున్నాడు. తాజాగా ఎన్టీఆర్ మరో చోట ప్రత్యక్షం అయ్యాడు. పెద్ద సినిమాల షూటింగులతో ఫుల్ బిజీగా ఉండే జూనియర్.. బర్త్ డే పార్టీలకు హాజరు కావడం అందరినీ ఆశ్చర్యానికి గురి చేస్తోంది. తాజాగా తనకు బృందావనం లాంటి హిట్ ఇచ్చిన డైరెక్టర్ వంశీ పైడిపల్లి భార్య బర్త్ డే వేడుకకు సతీసమేతంగా అటెండ్ అయ్యాడు జూనియర్ ఎన్టీఆర్. ఇదే పార్టీకి బడా డైరెక్టర్లు సుకుమార్ తన భార్య తబితతో రాగా.. ప్రశాంత్ నీల్ కూడా వచ్చాడు. ఈ ముగ్గురూ జూనియర్ ఎన్టీఆర్ తో సినిమాలు తీసిన, తీస్తున్న వారే.

Read Also : Pawan Kalyan : కొడుకు అగ్ని ప్రమాదంపై పవన్ కల్యాణ్‌ క్లారిటీ.. ..!

ఇలా బడా డైరెక్టర్లు అందరూ జూనియర్ ఎన్టీఆర్ తో కలిసి దిగిన ఫొటోను సుకుమార్ భార్య తబిత ఇన్ స్టాలో పోస్టు చేసింది. దీంతో ఈ ఫొటో కాస్త సోషల్ మీడియాలో వైరల్ అవుతోంది. ఇలా బడా డైరెక్టర్లు అందరూ ఒకే చోట జూనియర్ ఎన్టీఆర్ తో ఫొటో దిగడాన్ని చూసి ఫ్యాన్స్ ఫుల్ ఖుషీ అవుతున్నారు. మొన్నటికి మొన్న ప్రశాంత్ నీల్, ఆయన భార్యను ఎన్టీఆర్ తన ఇంటికి పార్టీకి ఆహ్వానించాడు. వీరంతా కలిసి ఎన్టీఆర్ ఇంట్లో సందడి చేశారు. మొన్న మ్యాడ్ స్వ్కేర్ సక్సెస్ మీట్ కు వెళ్లిన జూనియర్.. ఇప్పుడు బర్త్ డే పార్టీలో ప్రత్యక్షం అయ్యాడు. ప్రస్తుతం ప్రశాంత్ నీల్ సినిమాతో పాటు వార్-2 సినిమాల షూటింగ్ లతో ఫుల్ బిజీగా ఉంటున్నాడు జూనియర్ ఎన్టీఆర్. ఈ ఏడాది వార్-2తో పలకరించబతోతున్నాడు. ప్రస్తుతం ఈ ఫొటో సోషల్ మీడియాలో వైరల్ అవుతోంది.