Jabardast Shabeena: ఎఫ్ 2లో రాజ్ తరుణ్.. జబర్థస్త్ షబీనా వారం రోజుల ట్రోల్ స్టఫ్

Jabardast Shabeena: షబీనా అంటే గుర్తుపట్టక పోవచ్చు గాని జబర్దస్త్ షబీనా అంటే టక్కున ఒక సొట్ట బుగ్గల సుందరి అందరికీ గుర్తొస్తుంది. ఒకానొక సమయంలో జబర్దస్త్ కార్యక్రమంలో కేవలం మగవారు మాత్రమే లేడీ గెటప్స్ వేసి ప్రేక్షకులను సందడి చేసేవారు కానీ రాను రాను ఈ కార్యక్రమంలో పెద్ద ఎత్తున లేడీ కమెడియన్స్ కూడా పెద్ద ఎత్తున సందడి చేస్తూ వచ్చారు. ఇలా జబర్దస్త్ ద్వారా గుర్తింపు పొందిన వారిలో షబీనా కూడా ఒకరు. ముందుగా పలు సీరియల్స్ లో నటిస్తూ వచ్చిన ఆమె కెవ్వు కార్తీక్ టీంలో సందడి చేస్తూ వచ్చేది. జబర్దస్త్ షోలో షబీనా నాటీ నరేష్ తో స్కిట్స్ చేస్తూ ఫుల్ ఫేమస్ అయ్యింది. అలాగే ఇంటింటి గృహలక్ష్మి సీరియల్ లో కొద్ది రోజులు నటించినా కస్తూరి సీరియల్ షబీనాకు మంచి పేరు తెచ్చిపెట్టింది.

Also Read: Kalki 2898 AD: ఐదు రోజులు 625 కోట్లు.. కల్కి అరాచకం!

ఇక తాజాగా ఈ భామ రాజ్ తరుణ్ హీరోగా నటించిన తిరగబడరా సామీ అనే సినిమా ట్రైలర్ లాంచ్ ఈవెంట్ హైదరాబాదులో జరిగింది. ఆ ఈవెంట్ ను జబర్దస్త్ షబీనా హోస్ట్ చేసింది. అయితే ఈ ఈవెంట్ సమయంలో ఆమె టెన్షన్ ఫీల్ అయిందో ఏమో తెలియదు కానీ ఆమె హోస్టింగ్ ఈ కార్యక్రమానికి హాజరైన అందరినీ నవ్వించింది. రాజ్ తరుణ్ గురించి చెబుతూ లవర్ బాయ్ అనబోయి ఆఫీస్ బాయ్ గా అలరించాడు అనేసింది. ఆ తరువాత కుమారి 21ఎఫ్ సినిమాలో ఆకట్టుకున్నాడు అనబోయి ఎఫ్ 2 సినిమాలో నటించాడు అని కామెంట్ చేసింది. దీంతో కార్యక్రమానికి హాజరైన అందరూ చాలా సేపు నవ్వుకున్నారు. ఈ విషయాన్ని ఇదే కార్యక్రమానికి హాజరైన తాగుబోతు రమేష్ మరో సారి ప్రస్తావించడంతో హాట్ టాపిక్ అయింది.