Hyper Aadhi: జబర్దస్త్ నటుడు హైపర్ ఆది గురించి ఎవరికి ప్రత్యేకంగా పరిచయం చేయాల్సిన అవసరం లేదు. హైపర్ పంచ్ లతో ప్రేక్షకులను నవ్వించడంలో దిట్ట ఆది. ఇక ఆది పవన్ కళ్యాణ్ కు ఎంత పెద్ద ఫ్యానో అందరికి తెల్సిందే. బండ్ల గణేష్ తరువాత పవన్ ను తప్పుగా మాట్లాడిన వారిని ఏకిపారేస్తాడు. నిత్యం పవన్ గురించి, ఆయన గొప్పతనం గురించి చెప్తూ వచ్చే ఆది ప్రస్తుతం బుల్లితెరపై వచ్చే డ్యాన్స్ షోలో యాంకర్ గా చేస్తున్న విషయం విదితమే. ఇక ఆ షో లో తనదైన పంచులతో అలరించే ఈ కమెడియన్ నోరు జారీ పవన్ ను మరొక హీరోతో పోల్చి అడ్డంగా బుక్కయ్యాడు. దీంతో పవన్ ఫ్యాన్స్ అతగాడిని ఏకిపారేస్తున్నారు. ఇంతకీ అసలు ఏం జరిగిందటే.. యంగ్ హీరో కిరణ్ అబ్బవరం తన సినిమా నేను మీకు బాగా కావాల్సినవాడిని చిత్ర ప్రమోషన్స్ కోసం ఆ షో కు వెళ్లాడు. ఈ షో లో కిరణ్ గురించి ఆది మాట్లాడుతూ “బేసిక్ గా నాకు పవన్ కళ్యాణ్ గారంటే బాగా ఇష్టం. ఆయన మాట విన్నా, ఆయన పాట విన్నానోటికి తెలియకుండా అరుపులు, చేతికి తెలియకుండా చప్పట్లు, వేళ్లకు తెలియకుండా విజిల్స్ వస్తాయి.. నాకు తెలిసి మళ్లా ఆ స్థాయికి వెళ్లే హీరో ఎవరైనా ఉంటే అది కిరణ్ అబ్బవరం” అని చెప్పుకొచ్చాడు.
ప్రస్తుతం ఇందుకు సంబంధించిన వీడియో నెట్టింట వైరల్ గా మారింది. ఇక ఆది వ్యాఖ్యలపై పవన్ ఫ్యాన్స్ గుర్రుమంటున్నారు. ఏ చెప్పుతో కొట్టాలి రా నిన్ను అంటూ మీమ్స్ వేస్తున్నారు. నోటికి ఏది వస్తే అది మాట్లాడడమేనా అని కొందరు.. నీ కెరీర్ లోనే అతిపెద్ద జోక్ అంటే ఇది అని మరికొందరు కామెంట్స్ పెట్టుకొస్తున్నారు. ఇక పవన్ ఫ్యాన్స్ కొంతమంది.. పవన్ లాంటివాడు ఒకడే ఉంటాడు. అతడిని దాటి వచ్చేవారు లేరు. మెగా హీరోలే ఆ విషయాన్ని ఒప్పుకున్నారు. ఒక పవన్ అభిమానిగా నువ్వు ఇలా మాట్లాడుతున్నావ్.. సిగ్గులేదు అని తిట్టిపోస్తున్నారు. ఇక మరికొందరు ఏమో గుర్రం ఎగరావచ్చు. రేపు ఎవరి జీవితం ఎలా ఉంటుందో చెప్పలేం కదా అని పాజిటివ్ గా చెప్పుకొస్తున్నారు.