HIT 3 Teaser : మోస్ట్ వైలెంట్ గా ‘అర్జున్ సర్కార్’ లాఠీ ఛార్జ్

న్యాచురల్ స్టార్ నానిని ఇప్పటి వరకు చూడని కొత్త యాంగిల్‌లో చూడబోతున్నాం. క్లాస్, మాస్ సినిమాలు చేస్తు వస్తున్న నాని  ఈసారి వైలెన్స్‌కే వణుకు పుట్టించేలా ఉన్నాడు. దసరా, సరిపోదా శనివారం లాంటి మాస్ సినిమాలు చేసినప్పటికీ  హిట్ 3తో ఊహించని ఊచకోతకు రెడీ అవుతున్నాడు నాని. టీజర్ కట్స్ కోసం సపరేట్‌గా కొన్ని షాట్స్ యాడ్ చేశారా  లేదా సినిమాలో ఈ షాట్స్‌కు సంబంధించిన సీన్స్ ఉంటాయా  అనేది తెలియదు గానీ హిట్ 3 టీజర్ మాత్రం అరాచకం అనే చెప్పాలి. హిట్ ఫస్ట్ కేస్, సెకండ్ కేస్‌కు మించి అనేలా థర్డ్ కేస్‌ను ఆడియెన్స్ ముందుకు తీసుకురాబోతున్నట్టుగా హిట్ 3 టీజర్‌తో చెప్పేశారు.

తాజాగా నాని బర్త్ డే సందర్భంగా హిట్ 3 టీజర్ రిలీజ్ చేశారు. ఈ టీజర్‌లో కొన్ని షాట్స్ ఒళ్లు గగుర్పొడిచేలా ఉన్నాయి. ముఖ్యంగా అర్జున్ సర్కార్‌గా నాని ఆటిట్యూడ్ పీక్స్‌ అనే చెప్పాలి. కొన్ని వినకూడని డైలాగ్స్‌ని కూడా కట్ లేకుండా పెట్టేశారు. ఇక శ్రీనగర్‌ నేపథ్యంలో ఈ కథ ఉంటుందని టీజర్‌ చూస్తే అర్థమవుతోంది. ఒకేలా వరుస హత్యలు జరుగుతుండడం ఆ కేసును అర్జున్‌ సర్కార్‌కు అప్పగించడం ఈ క్రమంలో ఆయన చేసిన వైలెన్స్  ఆ కేసును ఎలా చేధించాడు అనే కోణంలో ఈ సినిమా సాగనుంది. మొత్తంగా టీజర్ మాత్రం సినిమా పై అంచనాలను పెంచేసేలా ఉంది. నాని ఈసారి తన ఫ్యాన్స్‌కు ఊరమాస్ ట్రీట్ ఇవ్వడం గ్యారెంటీ. సమ్మర్ కానుకగా మే 1న ఈ మూవీ ప్రేక్ష‌కుల ముందుకు రానుంది. శైలేష్ కొలను దర్శకత్వంలో తెరకెక్కుతున్న ఈ సినిమాలో  శ్రీనిధి శెట్టి హీరోయిన్‌గా న‌టిస్తుండగా మిక్కీ జే మేయ‌ర్ సంగీతాన్ని అందిస్తున్నారు. నాని నిర్మాణ సంస్థ వాల్ పోస్టర్ సినిమా, యూనానిమస్ ప్రొడక్షన్స్‌లు ఈ చిత్రాన్ని నిర్మిస్తున్నాయి. మరి హిట్ 3 ఎలా ఉంటుందో చూడాలి.