Nani : నేచురల్ స్టార్ నాని అంటే ఇప్పుడు బడా హీరో. సినిమాకు కోట్లలో రెమ్యునరేషన్ తీసుకుంటున్నాడు. కానీ నాని కూడా కింది స్థాయి నుంచి వచ్చిన వాడే. ఎంత పెద్ద స్థాయికి ఎదిగినా.. తొలి పారితోషికం ఎవరికైనా చాలా స్పెషల్ గా ఉంటుంది కదా. అందుకే నాని కూడా తన తొలి రెమ్యునరేషన్ గురించి చెప్పుకొచ్చాడు. ‘నేను ఓ సినిమాకు క్లాప్ అసిస్టెంట్ గా పనిచేశాను. దానికి నాకు రూ.2500 ఇచ్చారు. కానీ చెక్ రూపంలో ఇచ్చారు. ఏదో కారణాల వల్ల ఆ ప్రొడక్షన్ కంపెనీ వేరే బ్యాంక్ కు మారిపోయింది. అప్పటికే అందరూ చెక్కులు బ్యాంకులో వేసుకున్నారు. కానీ నేను మాత్రం దాన్ని అందరికీ చూపించుకుంటూ లేట్ చేశాను.
Read Also : Smart Phone :రూ. 8 వేల లోపు ధరలో బ్రాండెడ్ టాప్ 3 స్మార్ట్ఫోన్లు ఇవే
తర్వాత వేస్తే ఆ చెక్ బౌన్స్ అయింది. కానీ వాళ్లను మళ్లీ అడగలేదు. అలా నా తొలి రెమ్యునరేషన్ కూడా నేను ఖర్చు చేయలేకపోయాను. అది అలాగే నా వద్ద ఉండిపోయింది. కానీ ఒక బెస్ట్ మెమొరీలాగా ఉండిపోయింది. ఆ తర్వాత అసిస్టెంట్ డైరెక్టర్ గా మారి సినిమాలు చేశాను. ఆ డబ్బులు కూడా నెలకు రూ.4వేలు అప్పట్లోనే ఇచ్చేవారు. దాంతో అమ్మ, నాన్నలకు రింగ్స్ కొన్నాను. ఫ్రెండ్స్ తో పార్టీలు చేసుకున్నా’ అంటూ చెప్పుకొచ్చాడు నాని. ఆయన చేసిన ఈ కామెంట్స్ ఇప్పుడు సోషల్ మీడియాలో వైరల్ అవుతున్నాయి.
