రెబల్ స్టార్ ప్రభాస్ కి హిట్ టాక్ పడితే ఎలా ఉంటుందో ఇండియా మొత్తం పెద్ద కళ్ళు చేసుకోని చూస్తోంది. పాన్ ఇండియా బాక్సాఫీస్ రికార్డులకు వణుకు పుట్టిస్థూ కొత్త చరిత్ర రాస్తున్నాడు ప్రభాస్. అమలాపురం నుంచి అమెరికా వరకూ అన్ని సెంటర్స్ లో సలారోడి ఆగమనాన్ని సెలబ్రేట్ చేసుకుంటున్నారు సినీ అభిమానులు. సాహూ, రాధే శ్యామ్, ఆదిపురుష్ సినిమాల్లో మిస్ అయిన ప్రభాస్ ని ప్రశాంత్ నీల్ పర్ఫెక్ట్ గా ప్రెజెంట్ చేసాడు. ఆ కటౌట్ కి న్యాయం చేసే సీన్స్ ని ప్రశాంత్ నీల్ సూపర్బ్ గా డిజైన్ చేసాడు. ఇండియాస్ బిగ్గెస్ట్ మాస్ హీరోగా టెర్రిఫిక్ స్క్రీన్ ప్రెజెన్స్ తో సలార్ సినిమాని నడిపించాడు ప్రభాస్. ఈ సినిమాలో ప్రభాస్ క్యారెక్టర్ పేరు దేవా, పూర్తి పేరు దేవరథ అని సినిమా చూసిన వాళ్లకి తెలుసు.
అయితే ఫస్ట్ డే థియేటర్స్ లో చేసిన సినిమా చూసిన వాళ్లకి ఆ అరుపుల్లో సరిగ్గా వినపడి ఉండదు కానీ ప్రభాస్ క్యారెక్టర్ పేరు దేవరథ మాత్రమే కాదు… “దేవరథ రైసాని”. సలార్ ఇంటర్వెల్ సీన్ లో శ్రీయ రెడ్డి ప్రభాస్ రాకెట్ లాంచర్ పైన నిలబడి ఉన్నప్పుడు ఎలివేషన్ ఇస్తూ… “వరద రాజమన్నార్ కా సలార్… ఖాన్సార్ కా సలార్… సలార్ దేవరథ రైసాని” అని చెప్తుంది. ఈ టైమ్ లో వచ్చే విజువల్స్ అండ్ బ్యాక్ గ్రౌండ్ స్కోర్ కి పూనకాలు వస్తాయి. ఇంకా కంప్లీట్ గా ప్రభాస్ క్యారెక్టర్ పేరు చెప్పాలి అంటే… శౌర్యాంగ దేవరథ రైసాని. ఇది సలార్ సినిమాలో ప్రభాస్ ఐడెంటిటీ. థియేటర్స్ లో ఇంకోసారి సినిమా చూసేయండి సలార్ ఇంటర్వెల్ బ్లాక్ లో శ్రీయ రెడ్డి ఇచ్చే ఎలివేషన్ ఇప్పుడు డైలాగ్ తో సహా అర్ధమవుతుంది.
