బాలీవుడ్ బాక్సాఫీస్ వద్ద సరికొత్త చరిత్ర సృష్టించబడింది, రణవీర్ సింగ్ ప్రధాన పాత్రలో నటించిన ‘ధురంధర్’ భారతీయ సినీ చరిత్రలో కనీ వినీ ఎరుగని రికార్డును నమోదు చేసింది. భారతదేశంలోనే ఏకంగా ₹1000 కోట్ల గ్రాస్ వసూళ్లను సాధించిన తొలి బాలీవుడ్ చిత్రంగా ఈ సినిమా రికార్డులకెక్కింది, ఇప్పటివరకు బాలీవుడ్ తరపున అత్యధిక దేశీయ వసూళ్లు సాధించిన చిత్రంగా షారుఖ్ ఖాన్ నటించిన ‘జవాన్’ (₹760 కోట్లు) పేరిట ఉన్న రికార్డును ‘ధురంధర్’ తుడిచిపెట్టేసింది. ప్రస్తుతం ఈ చిత్రం భారతదేశంలో మొత్తం ₹1002 కోట్ల గ్రాస్ వసూళ్లతో దూసుకుపోతోంది, తద్వారా ఇండియన్ బాక్సాఫీస్ వద్ద ఈ మైలురాయిని అందుకున్న మూడవ చిత్రంగా నిలిచింది.
Also Read:Mollywood : మళ్లీ సొంత ఇండస్ట్రీపై ఫోకస్ పెడుతున్న స్టార్ హీరో
భారతీయ సినీ చరిత్రలో ₹1000 కోట్ల క్లబ్లో చేరిన చిత్రాల జాబితాను గమనిస్తే, ‘ధురంధర్’ మినహా మిగిలినవన్నీ సౌత్ చిత్రాలే కావడం విశేషం. ప్రస్తుతం దేశీయ వసూళ్లలో టాప్ 4 స్థానాల్లో ఉన్న సినిమాలను పరిశీలిద్దాం . పుష్ప 2: ద రూల్ ₹1471 కోట్లు, బాహుబలి 2: ద కన్ క్లూజన్ ₹1417 కోట్లు, ధురంధర్ ₹1002 కోట్లు, KGF: చాప్టర్ 2 | ₹1001 కోట్లు. గతంలో వెయ్యి కోట్లు సాధించిన సౌత్ చిత్రాలన్నీ భారీ స్థాయిలో మల్టీ-లాంగ్వేజ్ (పాన్ ఇండియా) విడుదలతో ఆ మార్కును అందుకున్నాయి కానీ, ‘ధురంధర్’ ప్రధానంగా తన ఒరిజినల్ హిందీ వెర్షన్ ద్వారానే ఈ స్థాయి వసూళ్లను సాధించి, సింగిల్ లాంగ్వేజ్లో ఈ ఘనత సాధించిన తొలి చిత్రంగా రికార్డు సృష్టించడం విశేషం.
ఆదిత్య ధర్ దర్శకత్వంలో వచ్చిన ఈ స్పై యాక్షన్ థ్రిల్లర్, రణవీర్ సింగ్ కెరీర్లోనే బిగ్గెస్ట్ హిట్ కావడమే కాకుండా, బాలీవుడ్ బాక్సాఫీస్ సత్తాను ప్రపంచానికి మరోసారి చాటిచెప్పింది.